Pussy Rioteko buruak mozorrotuta ihes egin du Errusiatik
Pussy Riot talde errusiarreko buruak, Maria Alyokhinak, Errusiatik ihes egin du Vladimi Putin presidentearen errepresioagatik, The New York Times egunkariak adierazi duenez.
Horretarako, artista etxez etxeko janari-banatzailez mozorrotu zen, Moskuko Polizia nahasteko eta ihes egiteko. Izan ere, Alyokhina bere lagun baten etxean bizi zen, Poliziaren zaintzapean. Han utzi zuen bere sakelako telefonoa, arrastorik ez uzteko. Lagun batek Bielorrusiako mugara eraman zuen, eta astebete behar izan zuen Lituaniara iristeko.
Apirilean, Errusiako presidenteak Ukrainari buruzko edozein kritika gogor erreprimitzen zuenean, agintariek jakinarazi zuten Alyokhina etxean atxilotuta zegoela eta 21 eguneko zigorra beteko zuela kolonia batean. Horren aurrean, aktibistak herrialdetik alde egitea erabaki zuen.
Ihes egin ondoren, Errusiako Barne Ministerioak bilatu eta harrapatzeko pertsonen zerrendan sartu du. Izan ere, espetxera sartzeko agindua zuen, baina ez zen bertan aurkeztu.
Iaz, Alekséi Navalni oposizioko lider errusiarrari laguntzeko manifestazioetan parte hartu zuen Alyokhinak, eta Polizia errusiarrak bortizki jazarri zituen oposizioaren aldeko elkarretaratze horiek. Une hartan, ekintzaileak Errusian jarraitzeko konpromisoa hartu zuen. Orain, ostera, bat egin du Ukrainako inbasioaren hasieratik ihes egin duten dozenaka mila errusiarrekin.
Pussy Riot protesta feminista hizpide duen talde errusiarra da. Moskun du egoitza, eta punk rock emanaldiak egiten ditu, baimenik gabe askotan. Horren abestien gai nagusiak feminismoa, LGTBI+ pertsonen eskubideak eta Vladimir Putinen aurkako oposizioa dira, taldeak diktadoretzat baitu. 2012an, Pussy Rioteko hiru kide, Maria Alyokhina tartean, kondenatu egin zituzten "erlijio-gorrotoak bultzatutako bandalismoa" egotzita, eta bi urteko kartzela-zigorra ezarri zioten bakoitzari.
Alyokhinak 33 urte ditu, eta bizitza osoa eman du giza eskubideak defendatzen, adierazpen-askatasuna, besteak beste.
Zure interesekoa izan daiteke
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.