Uztailean amaitu liteke Munduko Osasun Erakundeak covidagatik ezarritako larrialdi egoera
Munduko Osasun Erakundeak 75. urteko batzarra abiatu du igande honetan, 2020ko covid pandemiagatik ezarritako "larrialdi egoerari" amaiera emateko erronka izanda, eta horrelako krisia berriro ez errepikatzeko helburuarekin. Datorren maiatzaren 28ra bitartean 194 herrialderen osasun arduradunak Nazio Batuen Erakundeko egoitza den Nazioen Jauregian bilduko dira. Hizpide izango dute azken urteko ekintzak, eta datozen urteetakoak ere finkatuko dituzte, pandemiaren hasieratik izandako lehenengo batzar presentzialean.
Koronabirusagatik ezarritako larrialdi egoeraren balizko amaiera eztabaida-gaia izango da orain. Dena dela, uztailera arte gutxienez larrialdi egoerari eutsiko dio Munduko Osasun Erakundeak. Orduan, uztailean, horren ardura duen batzordea bilduko da eta larrialdi egoera bertan behera utzi ala ez erabakiko du.
Tedros Adhanom Ghebreyesus Nazio Batuen Erakundeko zuzendariak aurreratu duenez, "urteko batzarrean larrialdi egoerarekin nola bukatu aztertuko dugu, besteak beste, txertoetarako sarrera, antibiralak eta beste ezinbesteko tresnak erraztuz". Dena dela, herrialde guztietako biztanleriaren % 70k koronabirusaren aurkako txertoa uztailerako jarrita izatea espero du Munduko Osasun Erakundeak.
"Hiru urteren ostean, osasun buruzagiekin aurrez aurre Genevan elkartzeak asko pozten nau, batzarrerako une erabakigarria baita", adierazi du Tedrosek. Aurreikusita dago ere bost urteetako bigarren agintaldi baterako Tedros berriro hautatua izatea. Bozketa hilaren 24an izango da.
Bestalde, Munduko Osasun Erakundearen erreforman eta nazioarteko osasun araudian aurrera egitea izango du batzarrak helburu, 2020an hasitako pandemiak erakutsi baitu mundua ez zegoela prest.
Erreformei esker, Munduko Osasun Erakundeak finantza-botere eta independentzia handiagoa izango lituzke, eta patogeno arriskutsuen berri arinago eman beharko lukete herrialdeek. Dena dela, Munduko Osasun Erakundeak aitortu duenez, erreforma horietako askok denbora luze behar izango dute.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.