Armak kontrolatzearen aurka hitz egin du berriz ere Trumpek, entzuleei armak izatea debekatzen zien bitartean
Ameriketako Estatu Batuetan, 19 ume eta bi irakasle tiroka hil eta lau egunera, Erriflearen Elkarte Nazionalak urteko batzarra egin du tiroketa izan zen lekutik 450 kilometro baino gutxiagora. Donald Trump AEBetako presidente ohiak eman duen hitzaldian, argi utzi du errepublikarrak ez daudela armen kontrolean urratsik emateko prest, eta, aitzitik, tiroketa horiek saihesteko "arma gehiago" behar direla defendatu du.
Arazoa "gaiztakeria" dela esan du, erasotzaileen "buruko osasuna" eta demokratek armak eskuratzeko oztopoak jarri nahi izatea "lotsagarria" dela gaineratu du. "Ezkerrak bultzatutako armen kontrolerako politikek ez lukete ezer egingo horrelako tragediak ekiditeko. Ezertxo ere ez" ihardetsi die, "krimen hau egin zuen munstroa gaizkia da, ankerkeria, gorrotoa".
Trumen iritziz, hauek dira tiroketak ekiditeko irtenbideak: eskoletan sarrera puntu bakarra egotea, metalak atzemateko gailuak jartzea, ateak blindatea, zaintzaileak areagotzea eta irakasleei armak eramatea uztea -non daramatzaten ikusten ez dela-, baina inolaz ere ez armak mugatzea. "Arma bat duen tipo gaizto bat geldiarazteko bide bakarra, arma bat duen tipo on bat da", bere ustez.
Paradoxa bat gertatu da, baina, Trumpen hitzaldian. Armen kontrolaren aurka hitz egiten zuen bitartean, debekatu egin zaie aretoan zeudenei armak edukitzea, presidente ohiaren segurtasuna bermatzeko aitzakian.
Joe Biden, Texasko eskola batean tiroketa gertatu ondoren: "Noiz egingo diogu aurre armen lobbyari?"
Astearteko sarraskiak armen inguruko aspaldiko eztabaida berpiztu du AEBtan. Konstituzioaren Bigarren Emendakinak armak izateko eskubidea aitortzen die estatubatuarrei eta hori aldatzeko, Kongresuan oso justukoak dira gehiengoak.
Atzo, armen erabilera arautzeko garaia dela esan zuen Joe Biden Ameriketako Estatu Batuetako presidenteak. "Noiz egingo diogu aurre armen lobbyari?", galdetu zuen. "Nekatuta nago. Esku hartu behar dugu. Denok dakigu zer egin behar den", adierazi zuen presidente estatubatuarrak, hunkituta.
Milaka pertsona atera dira Houstonen, arma-lobbyaren biltzarraren atarian protesta egitera
Milaka pertsonak elkarretaratzea egin zuten atzo Houstonen, Erriflearen Elkarte Nazionalaren urteroko biltzarraren aurka, topaketa egitean ari zen aretoarean inguruetan.
Bertaratutakoek kartel ugari eraman zituzte, hurrengo mezuekin, besteak beste: "Debekatu orain eraso errifleak", "Noiz maitatuko dituzue seme-alabak suzko armak baino gehiago?", edo "Eraso errifleak hiltzeko dira".
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.