Ezkerra Gobernura eraman dezakeen bozketa egun historikoa bizi du gaur Kolonbiak
Kolonbian 08:00ak zirenean (15:00ak Euskal Herrian) ireki dituzte hauteskunde presidentzialetako hauteslekuak, eta 16:00 direnean itxi dituzte (23:00etan Euskal Herrian). Inkestek diotenez, Itun Historikoa ezkerreko koalizioa da hauteskundeen lehen itzulia irabazteko faborito nagusia. Ezkerrak ez du inoiz agindu herrialde horretan; soilik eskuineko eta zentroko gobernuak ezagutu ditu txandaka. Gustavo Petro Bogotako alkate ohiak eta Francia Marquez ekintzaile feministak osatutako bikotea da mugimendu progresistaren ardatza.
Botoa ematera joan denean, "historia aldatzeko esperantza" duela esan du Petrok.
Eskuineko hautagai nagusia Kolonbiaren aldeko Taldeko Federico 'Fico' Gutierrez da. Uriberekin lotu izan dute askok baina berak dio "etiketarik edo loturarik ez" duela.
Fico Gutierrek ere eman du jada botoa, Ivan Duque egungo presidenteak bezala, eta bien ala biek ere botoa ematera joateko dei egin diete herritarrei.
Inongo hautagairik ez badu botoen % 50 lortzen, boto gehien dituzten biak ekainaren 19rako aurreikusitako bigarren itzulian lehiatuko dira.
38 milioi kolonbiar pasatxo egon dira botoa ematera deituta. Tartean, kanpoan erroldatutako 972.754 pertsona. Aste osoa izan dute atzerrian jarritako puntuetan botoa emateko.
Barakaldoko BECen izan da mahai horietako bat, Araban, Bizkaian, Gipuzkoan, Nafarroan eta inguruetan bizi diren kolonbiarrek bozkatzeko aukera izan dezaten. 2.147 pertsonak eman zuten botoa larunbatera arte, deitutakoen % 27k. ETBk gaur, han galdetuta, gehienek esan dute "aldaketaren aldekoak" direla.
EBko Hauteskundeak Behatzeko Misioak (MOE) jakinarazi du 3.539 hauteskunde-behatzaile dituela Kolonbiako 467 udalerritan, hauteskundeak ikuskatzen. Tartean dira Iñigo Iturrate (EAJ), Oihana Etxebarrieta (EH Bildu), Iñigo Martinez (Elkarrekin Podemos-IU), Miren Gallastegui (PSE-EE) eta Carmelo Barrio (PP+Cs) euskal parlamentariak.
Albiste gehiago mundua
Hamasek bahitu guztiak askatzea onartu du, baina Trumpen bake planaren baldintzak negoziatzea eskatu du
AEBetako presidenteak proposatutako plana hainbat egunez aztertu ondoren, talde palestinarrak adierazi du proposamenaren puntu batzuk onartzen dituela, baina negoziatzen jarraitu nahi duela.
Trumpek pozik hartu du Israelen eta Hamasen arteko balizko akordioa, eta nazioarteko lankidetza eskertu du
Minutu eta hamar segundoko bideo bat argitaratu du Etxe Zuriko kontuetan AEBko presidenteak, eta bertan adierazi du "tratu justua" jasoko dutela guztiek.
Trumpen planaren lehen fasea "berehala" ezartzeko prestatzen ari da Israel
"AEBko presidentearekin eta bere taldearekin elkarlanean jarraituko dugu gerrari amaiera emateko, Israelek mahai gainean jarritako printzipioei jarraikiz, Trumpen ikuspegiarekin bat baitatoz gerra amaitzeko", adierazi du Benjamin Netanyahu Israelgo lehen ministroaren prentsa bulegoak ohar labur batean.
Trumpek igandera arte eman dio Hamasi Gazarako plana onartzeko, edo "inoiz ikusi ez den infernua piztuko da"
Planak gerra berehala amaitzea, bahituak askatzea eta Gazarako trantsizio gobernu bat eratzea proposatzen du, agintari estatubatuarrak eta Tony Blair Britainia Handiko lehen ministro ohiak gainbegiratuta.
Poliziak baieztatu du Manchesterko sinagogako biktimetako bat agenteen tiroen ondorioz hil zela
Poliziaburuaren arabera, Jihad Al-Shamie susmagarriak ez zeraman suzko armarik, eta tiro bakarrak poliziek egin zituzten, baimendutako armekin, erasotzailea sinagogan sartzea eragozten saiatu zirenean. Hori dela eta, biktimaren bala-zauriak agenteek egin behar izan zituzten, nahi gabe bada ere.
Israelek Gazara zihoan Sumud ontzidiaren azken ontzia atzeman du
Itsasontzi militar bat hurbiltzen eta soldadu israeldarrak ontzira igotzen ikusi dituzte, zuzenean, ontziko kameren bidez. Gazako kostaldetik 42,5 itsas miliara zegoen Marinette itsasontzia abordatu dutenean.
Sumud Flotillak salatu du Israelen atxilotutako kideek ez dutela laguntza legalik jaso
473 atxilotu Israel hegoaldeko espetxe batera eraman dituzte. Bertako iturriek adierazi dutenez, atxilotu gehienek berehala deportatuak izatea onartu dute. Bestetik, flotillako kide ziren parlamentari eta eurodiputatu italiarrak arratsaldean iritsi dira Erromara eta gainerako atxilotuak askatzeko eskatu dute.
Hamasek "laster" iragarriko du Trumpek Gazarako duen planari emango dion erantzuna, baina "mehatxuak eta presioak" salatu ditu
Akordioak lortzeko konpromisoa berretsi du, "denbora odola baita".
Israelek Sumud Flotillako 443 kide atxilotu eta Beersebako espetxe batera eramango ditu ondorengo orduotan
Aurrena, Asdodeko portura eraman dituzte flotillako kideak, eta handik, Beersebako espetxe batera eramatea da Israelgo Gobernuaren asmoa.
Hiru hildako eta hiru zauritu larri sinagoga baten ondoan izandako eraso batean, Manchesterren
Hildakoetako bat erasotzailea bera da. Poliziak tirokatuta hil da. Keir Starmer Erresuma Batuko lehen ministroak aitortu du "atsekabetuta" dagoela erasoarekin, eta azpimarratu du gertatutakoa "are lazgarriagoa" dela Yom Kippur egunean egin delako; juduentzako egunik sakratuenean egin baita, alegia.