Donetskeko Justiziak heriotza zigorra ezarri die gerran parte hartu zuten bi britainiarri eta marokoar bati
Donetskeko herri errepublikako Auzitegi Gorenak heriotza zigorra ezarri die bi britainiar herritarri eta marokoar herritar bati, Ukrainako gerran ukrainar bandoaren alde parte hartu izana egotzita.
Astelehenean abiatu zuen Donetskeko Justiziak Sean Piner, Aiden Aslin eta Sadun Brahimen aurkako epaiketa. Tropa errusiarrek bahitu zituzten gerraren testuinguruan eta, asteazken honetan, leporatzen zizkieten delituak onartu zituzten.
Orain, "proben osotasuna" aztertuta, Gorenak akusatuen erruduntasuna frogatu du eta "heriotza zigorra" ezarri beharko zaiela xedatu du, TASS agentzia errusiarrak jasotakoaren arabera.
Donetskeko Justiziak taldean delituak egin izana egotzi die Piner, Aslin eta Brahimi; tartean, boterea indarrean bereganatu izana. Gainera, Ukrainako gatazkan mertzenario gisa jokatu izanaz akusatu ditu.
Gerra hasi eta denbora gutxira, Volodimir Zelenski Ukrainako presidenteak Ukrainako Lurralde Defentsarako Legioa sustatu zuen. Destakamentu horren bitartez, Kievek lerroak handiagotu nahi zituen, nazioarteko boluntarioekin.
Errusiako autoritateen arabera, 60 herrialdetatik baino gehiagotik iritsitako ia 7.000 atzerritar batu zazkie indar errusiarrei, otsailaren amaieran (duela 100 egun baino gehiago) hasitako gatazkan parte hartzeko.
Errusiak esan duenez, "atzerriko mertzenario" horietako mila inguru atxilotu zituzten, eta 400 inguru harrapatuta egon ziren Azovstal altzairutegiaren setioan zehar.
Londresen erreakzioa
Atzerriko soldaduei emandako epaiaren berri izan ostean, Liz Truss Kanpo Arazoetako ministro britainiarrak salatu du "inolako bermerik gabeko epaiketa faltsu" baten testuinguruan eman dela.
Ildo beretik, Downing Street kezkatuta azaldu da gertatutakoaren aurrean, eta gogorarazi du ez dutela gerrako presorik auzipetu behar areriotasunetan parte hartu izanagatik, BBC irrati-telebista britainiarraren arabera.
"Ukrainar autoritateekin elkarlanean jarraituko dugu, ukrainar Indar Armatuetan soldadutzan egon den eta gerrako preso gisa atxilotuta dagoen britainiar herritar ororen askapena bermatzen saiatzeko", adierazi du Gobernuko bozeramaile batek.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.