Johnsonen Gobernuak erbesteratze egitasmoa mantentzen du, nahiz eta salaketa ugari aurkeztu
Asilo eskatzaileak Ruandara deportatzeko planarekin aurrera jarraituko duela baieztatu du Erresuma Batuko Gobernuak, nahiz eta salaketa ugari aurkeztu eta asteartean lehen hegaldia bertan behera uztera behartu.
Priti Patel Barne ministroak Komunen Ganberan adierazi duenez, Kigaliko Gobernuarekin adostutako programarekin "konprometiturik jarraitzen" du Londreseko Exekutiboak. Patelek Afrikako herria "iraintzen" dutenak kritikatu ditu, "zertaz hitz egiten ari diren ez dakitelako".
Giza Eskubideen Europako Auzitegiaren azken orduko erabakiarekin "ezustekoa" hartu du Patelek. Ingalaterrako base militar batean, Boeing 747 hegazkinaren aireratzea bertan behera uztera behartu zuen Auzitegiak. Hala ere, beste hegaldi bat "dagoeneko prestatzen hasi" direla erantsi du buruzagiak.
"Legea aldatzea"
Auzitegiaren erabakiaren ostean, Alderdi Kontserbadoreko sektore batzuek 1953ko Giza Eskubideen Europako Adierazpenetik urruntzea eskatu diote Gobernuari. Paradoxikoki, Erresuma Batuak adierazpena egiten lagundu zuen. Auzitegia ez da Europar Batasunaren parte, Europako Kontseiluaren zati baizik. Erresuma Batuak bigarreneko kide izaten jarraitzen du.
Boris Johnson lehen ministroak "legea aldatzea" beharrezkoa izan daitekeela esan du dagoeneko.
Europako Auzitegiak egitasmoa bere osotasunean "legez kanpokotzat" jo ez zuela nabarmendu du Patelek gaur, hiru pertsona migratzaileren erbesteratzea debekatu baizik, Erresuma Batuko Justiziak uztailean erabaki bat hartu bitartean.
Patelen ahotan, presioek ez dute politika "moralki arduratsua" zapuztuko, nahiz eta Erresuma Batuan zein kanpoan kritika ugari jaso.
Bestalde, sinatutako akordioarekin "konprometiturik" jarraitzen duela berretsi du Ruandak asteazken honetan. Aurreneko deportatuak iristeko zain, instalazioak prest dituela berretsi du Kigalik.
"Hondamendi bat da"
Parlamentuan, Yvette Cooper bozeramaile laboristak Gobernu kontserbadorearen plana "hondamendi" bat dela esan du. Asilo sistema hobetzea eta zabaltzea eskatu du, erabakietan bost urteko atzerapenak pilatzen direlako.
Amnistia Internazionalaren hitzetan, astearteko hegaldiarekin gertatutakoak politika "anker" horren amaiera suposatu beharko luke.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.