2023ko urriaren 19a proposatu du Eskoziak beste independentzia erreferendum bat egiteko
Nicola Sturgeon Eskoziako ministro nagusiak 2023ko urriaren 19a proposatu du independentziaren inguruko beste erreferendum bat egiteko.
Sturgeonek Holyroodeko Parlamentuko kideen aurrean azaldu du, Edinburgon, kontsulta berrian egingo den galdera 2014ko erreferendumeko bera izango dela: 'Eskoziak herrialde independentea izan behar al du?'.
Eskoziako Alderdi Nazionaleko (SNP) buruak azaldu duenez, Boris Johnson lehen ministro britainiarrari zuzenduko zaio hautatutako dataren berri eman eta haren onespen formala lortzeko. Edonola ere, ordea, Londresen baimenarekin edo hura gabe, aurrera egitea da asmoa.
Halere, duela pare bat aste Londrestik banantzeko abiatutako 'Independentzia mundu modernoan' kanpainaren baitan esan zuenaren haritik, esan du erreferendumak legezkoa izan behar duela eta, horregatik, Auzitegi Gorenera ere joko duela, haren iritzia ezagutzeko.
Auzitegi Gorenak oniritzirik emango ez balu, Sturgeonek azpimarratu du Erresuma Batuko hurrengo hauteskunde orokorrak "de facto erreferendum" gisakoak izango direla.
5,5 milioi biztanleko herrialdea da Eskozia, eta orain zortzi urte egindako galdeketan, boto-emaileen % 55,3k independentziaren kontra bozkatu zuten. Ordutik, agertokia asko aldatu dela uste du bertako Gobernuak, eta Brexitari eskoziarren gehiengoak ezetz esan ziola ekarri du gogora. Hala, bigarren erreferenduma egitea justifikatuta dagoela azaldu du.
Boris Johnson Erresuma Batuko lehen ministroa eta haren alderdia —Alderdi Kontserbadorea— bigarren galdeketa egitearen kontra agertu izan dira beti, auzi hori 2014an argitu zela arrazoituta.
Albiste gehiago mundua
Debekuen gainetik, milaka lagun atera dira kalera Budapesten Harrotasun Eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Gazan su-eten akordioa "datorren astean" lor litekeela dio Trumpek, eta laguntza banatzeko "sistema ona" babestu du
Israelgo Armadak gutxienez 17 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.
Kayed Hammad itzultzailea Gazatik atera da bere emazte eta hiru seme-alabekin
Kayed Hamadek oso harreman estua du Mikel Ayestaran lankidearekin. Harremanetan egon dira une oro, baita une txarrenetan ere, eta, zorionez, lortu du senideekin Gazatik ateratzea. Ammanen izan gara berarekin, baina Malagara joatekoa da, bertan duen anaia batengana.
Sarraski berri bat Gazan: Israelek 100 palestinar baino gehiago hil eta beste 200 zauritu ditu 24 ordutan
Israelgo Armadak bi bonbardaketa egin ditu errefuxiatuak hartzen zituen eskola baten aurka eta ospitale baten inguruan, eta 20 palestinar inguru hil ditu.
Jameneiren arabera AEBk ez du instalazio nuklearrik kaltetu eta "zaplazteko gogorra" hartu du bueltan
Irango buruzagi gorenaren arabera, AEBk ezin izan du "kalte esanguratsurik" eragin Iranen eta bere instalazio nuklearren aurka; salatu duenez, AEBko presidenteak "neurriz kanpo puztu du gertakaria bere kontakizunean".
NATOko herrialdeen gastu militarra, hemen: AEBrena ere ez da % 5era iristen
Herrialde bakar bat ere ez dago BPGaren % 5 bideratzetik gertu. Izan ere, herrialde gehienak ez dira % 3ra ere iristen, eta askok ez dute % 2 gastatzen, Ukrainako gerraren ondoren konpromiso hori hartu bazuten ere.
Jeff Bezos Amazonen jabearen ezkontzako gonbidatuak Veneziara iristen hasi dira, bizilagunen protesta artean
Jeff Bezos handiki estatubatuarraren eta Lauren Sanchez aurkezle ohiaren arteko ezkontzak bizilagunen protestak piztu ditu Venezian. Hiria aberatsen zerbitzura dagoen "luxuzko erakusleiho" bihurtu dela salatzen dute. Bizilagunen (49.313) eta ostatu-plazen (49.176) kopurua bera da ia, eta 2017tik biztanleria % 7 murriztu da, bisitarien kopurua hazi den heinean.
Trumpek Espainiako produktuei ezarritako muga-zergak areagotzeko mehatxua egin du, Defentsarako gastua % 5era igo ezean
AEBko presidenteak ziurtatu du Espainiarekin merkataritza akordio berria negoziatuko duela, Pedro Sanchezek gastu militarra % 5era igotzeari uko egin diolako, NATOren bileran estatu guztiek adostatukoaren kontra.