El Salvadorko Justiziak 50 urteko espetxe zigorra ezarri dio emakume gazte bati abortatzea egotzita
Justizia salvadortarrak 50 urteko kartzela zigorra ezarri dio 19 urterekin abortatu zuen emakume bati. Aurrekaririk gabeko gertaera da, izan ere, lehen aldia da gehienezko zigorra ezarri dutela duela bi hamarkada baino gehiago debekatu zenetik haurdunaldia edozein baldintzaren pean etetea.
2020ko ekainean gertatu zen; Lesli Ramirez komunera joan zen orduan, erditzen hasia zela jakin gabe. "Zerbait irteten zitzaidala sentitu nuen", kontatu du gazteak. Hala jakinarazi du Abortuaren Despenalizaziorako Herri Elkarteak, eta gaineratu du Leslik ez zekiela zer gertatzen ari zitzaion.
Laguntza eskatu ondoren, senideek eta auzokideek Poliziari deitu zioten, eta gaztea ospitalera joan zen lehenbizi, eta kartzelara gero. Izan ere, ezin izan zuen lehen bistara joan -behin-behineko kartzelaldia ezarri zioten bertan-, "larrialdi obstetrikoak" eragindako osasun arazoak zituelako oraindik, Elkarteak azaldu duenez.
Ekainaren 29an amaitu zen prozesua lehen instantzian 50 urteko espetxe zigorrarekin. Elkarteak helegitea aurkeztuko duela iragarri du, eta zalantzan jarri du prozesua. Esate baterako, epaileak erabilitako argudioetako bat seinalatu du: "Amak seme-alaben babes-iturri dira bizitzako edozein egoeratan, eta zu ez zinen izan".
Era berean, deitoratu du ez zituztela kontuan hartu defentsak aurkeztutako frogetako batzuk, gaztearen familia-egoerari buruzkoak, adibidez. Hain zuzen ere, zazpi neba-arrebaren arteko hirugarrena da muturreko pobrezian bizi den eta hezkuntza baliabiderik ez duen familia batean.
"Emakume pobretuak larrialdi obstetrikoengatik zigortzen dituen El Salvadorko historia tristeko orrialdea ixten saiatu gara, baina estatu salvadortarrak, beste behin, anker jokatzen jarraitu du defendatzeko eskubiderik zein baldintzarik izan ez duten emakumeekin", tamaldu du Morena Herrera Abortuaren Despenalizaziorako Herri Elkarteko buruak.
El Salvador munduko herrialde murriztaileetako bat da abortuari dagokionez, eta, sarritan, haurdunaldia etetea, borondatezkoa zein ez, homizidio akusazioen sorburu izaten da. Nayib Bukeleren Gobernuak ez dauka epe motzera legerian aldaketarik egiteko asmorik.
Albiste gehiago mundua
Suediako Kiruna udalerriko eliza ikonikoa bost kilometro lekualdatzeko lanak hasi dituzte, errepidez
Suedia iparraldeko Kiruna udalerriko eliza ikonikoa bost kilometro lekualdatzeko lanak hasi dituzte, errepidez, bertako meategia handitu behar dutelako. Eliza 40 metro zabal da (672 tonako pisua), eta gaur hasitako operazioa asteazken arratsaldean amaitzea aurreikusi dute. Eliza daraman trailerra 500 metro orduko abiaduran mugituko da eta lekualdaketa zuzenean jarraitu ahal da Suediako telebista publikoaren webgunean.
Trumpek iragarri du Putin eta Zelenskiren arteko aldebiko bilera "antolatzen" hasi dela
Balizko aldebiko bilera horren ondoren, presidente estatubatuarra ere batuko litzateke elkarrizketetara. Bestalde, Zelenskik 77.000 milioi euroko balioa duten armak erosteko eskaintza egin dio Trumpi, Ukrainarentzako segurtasun bermeak ematearen truke.
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.