Shinzo Abe lehen ministro ohia oso larri, mitin batean hainbat tiro jaso ostean
Shinzo Abe Japoniako lehen ministro ohia oso larri dago (bihotza gelditu zaio) mitin batean zegoela eskopeta baten hainbat tiro jaso ostean Nara hirian. Atentatua gaur, ostirala, izan da, hango agintariek azaldu dutenez.
Une honetan, ustea da Abek hainbat tiro jaso dituela bizkarrean, kalean hitzaldi bat ematen ari zela. Orain, osasun zerbitzuak agintari ohiaren bizitza salbatzen saiatzen ari dira, Poliziak eta Nara (Japoniako mendebaldean) hiriko osasun zerbitzuetatik adierazi dutenez.
Atentatua aipatutako hiriko tren geltoki batetik gertu izan da, mitin batean parte hartzen ari zela. Narako Poliziak gizon bat atxilotu du, erasoa berak egin duelakoan.
Zenbait lekukok adierazi dutenez, tiroak entzun dira, eta, ondoren, Abe lurrera erori da, NHK telebista katearen arabera.
Osasun zerbitzuak Kashihara hiriko ospitale batera eramaten ari dira agintari ohia, bizitza salbatzen saiatzeko.
Atentatua hango 11:30 aldera (Euskadiko 04:30ean) izan da, kanpaina ekitaldian zeuden hiritar talde handi baten aurrean.
Atxilotua, Armadako kide ohia
Poliziak atxilotutako gizonak Yamagami Tetsuya du izena. 41 urte ditu eta Autodefentsarako Itsas Indarren (Armada janponiarra) kide ohia da.
Tetsuya Nara hiriko bizilaguna da, eta, atxilotu dutenean, arma bat zuen eskuetan, ustez, Abe bi aldiz tirokatzeko erabili duena.
Defentsa Ministerioaren arabera, ustezko erasotzailea Autofedentsarako Itsas Indarren kide izan zen hiru urtez, 2005era arte; talde horrek artxipielagoa defendatzeko ardura du.
Gaitzespena
Nazioarteko zenbait agintarik Aberen aurkako atentatua gaitzetsi dute. Erasoaren ondotik agertu direnen artean, Pedro Sanchez, Jens Stoltenberg, Ursula Von der Leyen, Boris Johnson, Emmanuel Macron, Jacinta Arden eta Charles Michael izan dira, besteak beste.
Fumio Kishida Japoniako gaur egungo lehen ministroak baieztatu egin du Abe "oso larri" dagoela, eta gertatutakoa "ekintza basatia" izan dela. Gainera, "gaitzespen irmoa" egin du gertatutakoaz. "Espero dut lehen ministroak bizirik jarraitzea", esan du Kushidak prentsaurreko batean.
"Ekintza barkaezina da. Gobernuak beharrezko neurriak hartu nahi ditu etorkizunean halako egoerak aurreikusteko eta dagokion moduan erantzuteko", gaineratu du.
Abe, lehen ministro karguan denbora gehien eman duena
Abek 2020ko irailean utzi zuen kargua osasun arazoak zirela medio, eta postu horretan denbora gehien eman duen politikari japoniarra da.
Buruzagi kontserbadorea Japoniako Parlamenturako egitekoak diren hauteskundeetako kanpainan parte hartzen ari zen. Hauteskundeak igande honetan egingo dira eta, horietan, Aberen eta Fumio Kishida gaur egungo lehen ministroaren Alderdi Liberal Demokratikoak gehiengoa lortzea espero dute berriro.
Hauteskunde kanpainako mitinak kalean egin ohi dira Japonian, segurtasun neurri gutxirekin; izan ere, kriminalitate txikiko herrialdea da eta apenas egoten da erasorik suzko armekin.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.