Sri Lankako lehen ministroak dimisioa eman du, herrialdeko presidentearen aurkako protesta handiak daudela
Ranil Wickremesinghe Sri Lankako lehen ministroak bere dimisioa eta batasun nazionaleko Gobernua osatzea eman ditu larunbat honetan, kaleetan Gotabaya Rajapaksa herrialdeko presidentearen aurkako protesta handiak daudela; izan ere, milaka pertsona sartu dira bi agintarien bizileku ofizialetan.
Lehen ministroaren Bulegoak, ohar baten bidez, jakitera eman du Wickremesinghe "prest" dagoela oposizioko alderdien gomendioa aintzat hartzeko, alegia, dimisioa emateko. Parlamentuko presidenteak deitutako bilera batean, oposizioko alderdiek lehen ministroaren eta presidentearen dimisioak galdegin dituzte, kontuan izanik kudeaketa txarra egin dutela biek, alderdi horien iritziz, Sri Lanka pairatzen ari den krisi ekonomikoan.
Alderdi politiko guztien ordezkaritza izango lukeen Gobernua osatzeak egingo luke herrialdean kaosa ez zabaltzea. Une honetan, Sri Lanka saiatzen ari da lortzen Nazioarteko Diru Funtsaren mailegu bat, bai eta erregairik eta elikagairik ezari aurre egiten ere.
"Aste honetan hasi behar gara uharte osoan erregaia banatzen; Elikagaien Mundu Programaren zuzendariak aste honetan bisitatuko du herrialdea, eta Nazioarteko Diru Funtsarentzat egin beharreko txostena, zorraren jasangarritasunaren gainekoa, laster amaituko da", zehaztu du ministerio Bulegoak.
Sri Lankako Kongresu Musulmanaren Alderdiko parlamentari eta kide Rauff Hakeem bileran izan da, eta nabarmendu egin du, Twitter bidez, alderdi politikoen eskaera "erabatekoa" dela: "Parlamentuko presidenteak erabaki du presidenteari eta lehen ministroari idaztea, dimisioa eman dezaten, erabateko eskaria baita", esan du Hakeemek.
Protesta handiak
Horrez gain, milaka manifestari sartu dira larunbat honetan presidenteak Kolonbo hiriburuan duen bizileku ofizialean, bai eta lehen ministroaren bizileku ofizialean ere (Temple Treesen). Presidentearen Idazkaritzaren eraikinean ere sartu dira. Segurtasun indarrek eskatuta, Rajapaksa ez zegoen bertan; agenteek ezin izan dizkiote manifestariei geldiarazi, gas negar-eragileak erabili badituzte ere, Ada Derana Sri lankako egunkariak zabaldu duenez.
Kolonboko Ospitale Nazionaleko bozeramaile baten esanetan, gutxienez hamabi lagun zauritu dira.
Herrialdea bere historiako krisi ekonomikorik larrienetako batean dabil, 1948an independentzia eskuratu zuenetik; izan ere, nazioarteko erreserbetako dibisak gutxitu dira, eta zorpetze handiari egin behar dio aurre.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.