Animalia jatorriko birus berri baten kutsatzeak antzeman dituzte Txinan, 35 gizakirengan
Ikerketa zientifiko batek ezagutzera eman duenez, Txinako bi probintziatan animalia jatorriko birus berri baten kutsatzeak antzeman dituzte 35 gizakirengan, hain zuzen ere Henipabirus motakoak. Hala argitaratu du Global Times egunkari ofizialistak, New England Journal of Medicine mediku-aldizkari ospetsua aipatuta; izan ere, Txinako eta Singapurreko zientzialari batzuek artikulu bat argitaratu dute azken aldizkari horretan. Kasuak Shandong eta Henan probintzietan detektatu dituzte, eta bat ere ez da larria.
Animaliekin berriki kontaktua izandako gaixoei hartu dizkiete laginak eztarrian, eta horrela antzeman dute birusa. Oraingoz ez du txertorik edo tratamendurik, eta honako sintoma hauek dakartza: sukarra, nekea, eztula, janguraren galera, buruko mina, giharretako mina eta goragalea.
Egunkariak argitaratu duena kontuan izanik, gerora egindako ikerketek ezagutzera eman dute Henipabirus horrek kutsatutako 35 pazienteetako 26k garatu egin dituztela sintoma horiek, baita suminkortasuna eta gorakoak ere.
The Paper estatu mailako albiste-atariaren arabera, Henipabirusa da zoonosi izeneko prozesuaren arrazoi nagusietako bat; zoonosia da gaixotasunak animalietatik gizakiengana igarotzeko prozesua. Hedabide horrek dioenez, frutako saguzarra da birusa zabaltzeko bektoreetako bat; animalia horiek ezagutzen diren bi Henipabirusetako ostalariak dira, hain zuzen ere Hendra (HeV) eta Nipah (NiV) birusetakoak.
Munduko Osasun Erakundeak adierazi duenez, Hendra birusaren infekzioak sintomarik gabekoak izan daitezke, baina baita arnasketa-infekzio zorrotzak eta entzefalitis larriak ere eragin ditzakete. Kasu larrietan, heriotza-tasa % 40-75ekoa da, "baina aldakorra da, tokian tokiko gaitasunen arabera, izan ere, ikerketa epidemiologikoa eta jarduera klinikoa hartu behar dira kontuan".
Oraingoz, Global Timesek dioenez, ez dago frogatuta pertsonen arteko kutsatzerik dagoenik, baina, aurretik egindako txosten batzuen arabera, ez dago hori baztertzerik ere: "Koronabirusa ez da pandemia bat sortuko duen azken gaixotasun kutsakorra izango; beste gaixotasun batzuek ere gero eta eragin handiagoa izango dute gizakien eguneroko bizitzan", adierazi du Huashan ospitaleko Patologia Infekziosoetako Departamentuko zuzendariordeak. Ospitale hori Shanghaiko Fudan Unibertsitateri lotuta dago.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.