Zelenskik NBEren misio nuklearreko adituak hartu ditu, Zaporizhiako zentralera bidean
Volodimir Zelenski Ukrainako presidenteak Energia Atomikoaren Nazioarteko Agentziaren misioa hartu du Kieven. Aste honetan Errusiako Armadaren kontrolpean dagoen Zaporizhiako zentral nuklearra bisitatuko dute agentziako adituek.
Aditu nuklearrei egindako harreran, Zelenskik instalazioa desmilitarizatzea eskatu du berriro, eta inguruan borrokak areagotzeko arriskuaz ohartarazi du. Kievek Errusiaren operazioei egozten dizkie borrokak, baina Moskuren arabera, Ukrainako Armada da zentralaren aurkako erasoen erantzulea, Errusiak plantaren kontrola baitu.
Zelenskik pertsonalki eskerrak eman dizkio Rafael Grossi agentziako zuzendariari, misioarekiko konpromisoagatik. Presidentearen arabera, adituek sarbide osoa izan beharko lukete Zaporizhiaren instalazioetara sartzeko eta balizko mehatxuak baztertzeko, Ukraininformek jakinarazi duenez.
Ukrainak Errusiari leporatu dio zentraletik gertu dauden tokiak bonbardatzea, agentziaren taldearen etorrera oztopatzen saiatzeko, "borroka operazioak simulatuz". "Probokazioak dira. Orain, garrantzitsua da errusiarrei gezurrekin eta xantaiekin nahi dutena lortzeko aukerarik ez ematea", esan du Andriy Yermak Ukrainako bozeramaileak.
Bestalde, Energodarreko (zentrala bertan dago) agintariek ziurtatu dute misioarekin elkarlanean arituko direla, eta jaurtigaien arrastoak emango dizkiotela, bonbardaketen erantzuleak indar ukrainarrak direla frogatzeko, TASS agentziak jakinarazi duenez.
Albiste gehiago mundua
Flotilla Sumudek "gutxienez 13 leherketa" eta komunikazio etenak salatu ditu
Nazioarteko flotillak esan du "operazio psikologikoak" direla nabigazioa geldiarazteko, eta droneen presentziak "beldurtu eta Israelentzat inteligentzia biltzeko" helburua duela.
Jimmy Kimmelen saioa bueltan da eta Trump kritikatu du "txantxak ez jasateagatik"
Jimmy Kimmelek Donald Trump AEBko presidentearen aurka egin du, programa bertan behera uzteagatik eta adierazpen askatasunaren aurka egitea nahi duelako: "Gure liderrak estatubatuarrek euren lanak galtzea ospatzen du, txantxak jasaten ez dituelako", esan du umoregileak hasierako bakarrizketan.
Estatu palestinarra onartzea Hamas "saritzea" dela salatu du Trumpek
Dagoeneko 157 herrialdek aitortzen dute Estatu palestinarra, gehiengo zabala Nazio Batuen Erakundean eserlekua duten 193 herrialdeen artean.
Laku batek gainezka egin eta uholdeak eragin ditu Taiwanen, Ragasa supertifoiak utzitako euriteen ondorioz
Gutxienez 75 pertsona harrapatuta daude, eta bi lagun agertu barik, Guangfu udalerrian, Ragasa supertifoiak eragindako euriteen ondorioz laku natural batek gainezka egin du eta. Urak herriaren erdigunea estali du, eta herritarrak teilatu eta ibilgailuetara igo behar izan dira erreskate-taldeak iritsi arte.
Parazetamola, haurdunaldia eta autismoa: ikerketa askok baztertzen duten korrelazioa
Zientzialarien esanetan, parazetamola beste edozein aukera baino hobea da haurdun dauden emakumeen mina arintzeko. Gainera, seme-alaba autistak dituzten familiak estigmatizatzeko arriskuaz ohartarazi dute, gurasoek eragin duten ustea zabal daitekeelako.
Jimmy Kimmelen programa bueltan da, Charlie Kirken hilketari buruzko iruzkinengatik bertan behera geratu ostean
"Jimmy Kimmel Live!" umorezko late night arrakastatsua ABC katera itzuliko da, saioa kendu izanak Ameriketako Estatu Batuetan sortutako polemikaren ostean.
Beste hamaika herrialdek onartu dute Palestinako Estatua
Frantzia, Belgika, Luxenburgo, Andorra, Malta, Monako eta San Marino izan dira pausoa ematen azkenak, New Yorken bi estatuen konponbidea gauzatzeko pausoak zehazteko asmoz egindako goi bileran.
Trumpek parazetamola autismoarekin lotu du, ebidentzia zientifikorik ez dagoen arren
Donald Trumpen Gobernuak lotura posible bat aurkitu omen du autismoaren eta haurdunaldian parazetamola kontsumitzearen artean. AEBko presidenteak Etxe Zurian iragarri du aurkikuntza, adituek teoria horren sendotasun zientifikoa zalantzan jartzen duten arren.
Albiste izango dira: Nazio Batuen Batzar Nagusia, Zinemaldia eta eguraldia
Gaurkoan Orain-en albiste izango direnen laburpena, bi hitzetan.
Palestinako Estatuaren aitortza erdigunean dela abiatuko da NBEren 80. Batzar Nagusian
Erresuma Batuak, Kanadak, Australiak, Portugalek eta Frantziak aitortu dute ofizialki Palestinako Estatua, goi-bileraren bezperan. Horren aurrean, Benjamin Netanyahu Israelgo lehen ministroak esan du ez dela inolaz ere Palestinako Estaturik egongo, eta Bezalel Smotrich zein Itamar Ben Gvir Israelgo ministroek Zisjordania anexionatzea proposatu dute, Palestinako Estatua aitortzeko erabakiei erantzuteko.