2016an Nizan izandako atentatuaren epaiketa hasi da; 86 lagun hil eta 400 bat zauritu ziren bertan
Nizan (Frantzia) 2016ko uztailaren 14an izandako atentatuan ustez parte hartu zuten zazpi gizon eta emakume bat epaituko dituzte astelehenetik aurrera. Erasoan, armatutako gizon batek kamioi bat gidatu eta jendetzaren aurka talka egin zuen; ondorioz, 86 lagun hil ziren eta beste 400 bat zauritu. Frantziako Poliziak tiroka hil egin zuen gizona, Mohamed Lahouiej Bouhlel.
Erasoaren antolakuntzan parte hartu zutelakoan epaituko dituzte zortziak. Ikertutako hiru laguni (Mohamed Ghraieb, Chokri Chafrou eta Ramzi Arefa) gaizkile terroristekin elkartu izatea egotzi diete; horrek 30 urteko espetxe-zigorra ekar liezaieke. Beste bostak delitu arruntengatik, delitu egiteko elkartea osatzeagatik eta armen gaineko legeak urratzeagatik epaituko dituzte. Bost horietako bat iheslari dabil.
Armen bila ibiltzeagatik edo terroristari armak emateagatik dira susmagarriak. Ustez, jakin bazekiten erasotzailea erradikalizatuta zegoela, nahiz eta ez zekiten atentatua prestatzen zebilenik; azken hori ezin izan dute frogatu.
Sei urte baino gehiago joan dira atentatua gertatu zenetik; 2016ko uztailaren 14an izan zen, hau da, Frantziako Nazio Egunean. Biktimen senideek espero dute Parisen izango den epaiketan gertatutakoa argitzea: "Nire bezeroak egiaren zain daude, espero dute Justiziak ebaztea eta epaia izatea", laburbildu du, BFMTVrako, Chalus Penochetek; 45 salatzaileren ordezkaria da azken hori.
Abokatuek onartu dute biktima gehienak zuhurrak direla, epaiketaren aurrean; hori bai, uste dute "argia" ekar lezakeela. Halaber, prozesua "lasaigarria" izan daitekeelakoan dira, Fabien Rajon abokatuak azaldu duenez. "Biktimak jakitera eman nahi dute zenbat sufritu duten. Onarpena ere nahi dute", gehitu du Penochetek.
Zure interesekoa izan daiteke
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.