Erresuma Batuak energiaren faktura bi urtez izoztuko die herritarrei, urtean 2.500 liberara mugatuz
Energia krisiari aurre egiteko egitasmoa aurkeztu du gaur Komunen Ganberan Liz Truss Erresuma Batuko lehen ministro berriak. Bi neurri nagusi izango ditu planak. Batetik, herritarrei energiaren faktura bi urtez izoztuko diete, urtean 2.500 liberara (2.874 euro) mugatuta. Bestetik, iragarri du petrolio eta gas zundaketa gehiago egingo dituztela, eta frackinga erabiltzearen debekua kenduko du.
Urriaren 1etik aurrera eta bi urtez, energia faktura izoztuta izango dute kontsumitzaileek. Neurriak "ziurtasuna" emango die herritarrei, eta hazkunde ekonomikoa "bultzatu", Trussen hitzetan.
Gobernu britainiarrak "negozio guztiei, ongintzako erakundeei eta sektore publikoko enpresei lagunduko die euren kostu energetikoak murrizte aldera, eta sei hilabeteko bermea eskainiko die", esan du Trussek. Behin epe hori igarota, "sektore zaurgarrienei, ostalaritza kasu, babes gehiago eskainiko diegu". Konpainiei energia kontsumoan efizienteagoak izateko deia egin die, halaber.
Gobernu kontserbadoreak egindako kalkuluen arabera, urtean 1.000 libera aurrezteko modua izango dute herritarrek. Izan ere, espero zen urritik aurrera faktura % 80 garestitzea. Izoztea ezartzeko, Estatua zorpetu egingo da.
Egitasmoaren bigarren habea frackinga erabiltzearen debekua kentzea izango da. Ingalaterran, haustura hidraulikoa edo frackinga erabiltzeko debekua zegoen, baina buruzagi kontserbadoreak iragarri du sei hilabete barru debekua bertan behera utziko duela.
Asteartean hartu zuen Trussek lehen ministro kargua, eta aurpegi berriz inguratu da Boris Johnsonen aroa atzean uzteko.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.