104 hildako eta 269 zauritu eragin ditu Al Shababek Muqdishoko erdialdean kamioi-bonbaz
Gutxienez 104 pertsona hil, eta 269 zauritu dituzte larunbat honetan Somaliako hiriburuan, Muqdishon, Hezkuntza Ministerioaren aurka egindako atentatuan, Yasin Madale alkateak baieztatu duenez.
Ministerioa Zobeko elkargunetik gertu dago, K-5 izenaz ere ezagutzen dena, eta Muqdishoko jendetsuenetako bat da. Zobeko bidegurutzean, 2017ko urriaren 14an, bi bonba-kamioirekin eraso egin zuten leku berean, 500 pertsona baino gehiago hilez, Somaliako historiako eraso terroristarik larrienean.
"Sarraskia izan da, seme-alabak besoetan zituzten amak, pertsona helduak, ikasleak, enpresariak....", adierazi du Hassan Sheikh Mohamud Somaliako presidenteak. Al Shabab talde jihadistari egotzi dio erasoaren ardura, 2012tik Al-Qaidarekin bat eginda dagoen taldeari.
Mohamud presidenteak "erabateko gerra" deklaratu zuen Al Shabab "desagerrarazteko", abuztuaren 23an. Egun batzuk lehenago, Muqdishoko hotel bat hartu zuten Al Shababekoek, eta 21 pertsona hil zituzten.
Orduz geroztik, hainbat operazio militar egin dituzte fundamentalisten aurka, Estatu Batuen babesarekin.
Al Shababek Gobernua hartu nahi du, eta wahabi kutsuko Estatu islamikoa ezarri (ultrakontserbadorea). Talde jihadistak Somaliako erdialdeko eta hegoaldeko landa eremuak kontrolatzen ditu, eta inguruko herrialdeei ere erasotzen die, hala nola Kenyari eta Etiopiari.
Somalia gerra eta kaos egoeran bizi da 1991tik, Mohamed Siad Barre diktadorea boteretik kendu zutenetik. Horrek Gobernu eraginkorrik gabe eta milizia islamisten eta gerra jauntxoen esku utzi zuen herrialdea.
OMEk osasun arreta eskaini die zaurituei ospitaleak gainezka daudelako
Munduko Osasun Erakundeko (MOE) zuzendari nagusiak, Tedros Adhanom Ghebreyesusek, atentatuetan zauritutako ia 300 pertsonei osasun arreta emateko aukera eskaini du; izan ere, hiriburuko ospitaleetan, ezinean ari dira.
"Hiriburuko ospitaleak gainezka daude! Egoera kontrolik gabe dago! Zauritu gehiegi daude artatzeko, gorpu gehiegi", azaldu du Abdul Jadir Adhen Somaliako anbulantzia-enpresa pribatu bakarraren jabeak RFI irratian.
Jadir Adhenek ohartarazi du ospitaleek ez dutela material egokirik. "Tamalez, zaurituen artean hildako gehiago izango direla uste dut. Batzuk oso larri daude", ohartarazi du.
Zure interesekoa izan daiteke
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.