Hego Koreako Poliziak onartu du Seulgo tragedian aurreikuspen akatsa egon zela
Hego Koreako Poliziak astelehen honetan onartu duenez, ez zuen aurreikusi larunbat gauean Seulgo Itaewon auzoan ospatu zen Halloween jaiak halako jende olderik bilduko zuenik. Gutxienez 154 pertsona hil dira, eta beste 133, zauritu, festa ospatzen ari zirela gertatutako ezbeharrean, horietatik gehienak, gazteak.
"Jende asko biltzea aurreikusita zegoen. Baina ez genuen halakorik gertatuko zenik espero", adierazi du gaur Hong Ki-hyun Hego Koreako Poliziaren Ordena Publikoa Kudeatzeko Bulegoko buruak. Poliziak aldez aurretik jakinarazi zuen 100.000 pertsona inguru bilduko zirela festan. Hala eta guztiz ere, polizia buruaren arabera, bildutako pertsonen kopurua beste urte batzuetakoaren antzekoa zen, "agian, zertxobait altuagoa".
Horregatik, aitortu du egun horretan nahiz eta 137 polizia lanean aritu, tragedia gertatu zen kalezuloan pertsonak kontrolatzeko neurri berezirik ez zela ezarri. Halaber, ezin izan du baieztatu aurreko urteetan baino erritmo biziagoan hasi ote zen jendea pilatzen. "Agenteek ez zuten bat batean jendetza handiagorik nabaritu", adierazi du.
Ezbeharra larunbat gauean gertatu zen, lau bat metroko zabalerako kale batean, maldan behera, jendetza bildu zenean, Itaewon erdiguneko Hamilton hotelaren ondoan. Lekukoen arabera, egunean zehar jendetza biltzen hasi zen pixkanaka, eta gauerako dozenaka mila pertsonak auzoko kale estuak bete zituzten.
Jende oldearen ondorioz, ehunka pertsona harrapatuta geratu ziren. Batzuk denbora luzez egon ziren ez aurrera ez atzera, eta, hori dela eta, askok, itota, bizia galdu zuten, hogei urteren bueltako emakumeak, gehienak. Gainera, 33 pertsona larri zauritu ziren.
Bizitako dramaren ondoren, Hego Koreak dolu nazionala deklaratu du astebetez, 2014an Sewol ferrya hondoratu zenetik herrialdeak bizi izan duen tragediarik larrienagatik. Gogoratu behar da 300 pertsona baino gehiagok galdu zutela bizia, gehienak, bigarren hezkuntzako ikasleak.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.