Netanyahuren blokeak gehiengo zabala eskuratu du Israelgo bozetan
Benjamin Netanyahu Israelgo lehen ministro izandakoak irabazi ditu herrialdeko hauteskundeak, botoen % 85 zenbatuta dagoela. Likudeko buruak zuzentzen duen blokeak, ultraeskuinaren eta ultraortodoxoen laguntzarekin, gobernua osatzeko nahikoa babes luke, horrenbestez.
Hauteskunde Batzorde Nagusiak emandako datuen arabera, 3,8 milioi boto zenbatu dituzte dagoeneko. Netanyahuren Likud eskuineko alderdia lehen indar da, eta 31 eserleku lortu ditu; Alderdi Sionista Erlijiosoak (ultraeskuina), 14, eta bi indar ultraortodoxoek, 20. Guztira, 65 lirateke, eta Parlamentuak 120 ditu.
Netanyahuren kontrako blokea tarte dezentera geratu da, eta Yair Lapid jarduneko lehen ministroa buru duen eskuineko, zentroko eta ezkerreko blokeak 50 ordezkari eskuratu ditu. Dena dela, liberalagoak diren eremuetako kontaketaren menpe egon daiteke emaitza.
Yesh Atid Lapiden alderdia bigarren indarra da, 24 ordezkarirekin. Meretz ezkerreko indarrak ez du oraingoz botoen % 3,25ko langa eskuratu eserlekua lortzeko. Hortaz, lau ordezkari galduko lituzke Netanyahuren kontrako blokeak.
Bestalde, Balad alderdi arabiarra gutxieneko horretatik gertu dago, baina oraingoz ez du erdietsi. Biek ordezkaritza lortuko balute, balantza mugituko litzateke.
Hauteslekuak itxi ondorengo inkestek ere Netanyahuren blokearen garaipena aurreikusten zuten, baina 61-62 ordezkari emanda. Horren kontrakoak 54-55 eserleku eskuratuko lituzkete.
Galdeketen emaitzen aurrean, zuhur azaldu zen Lapid, eta ondorioak atera baino lehen "azken boto-papera zenbatzeko deia" egin zuen.
Ifrentzuan, garaipen giroa zegoen Likuden egoitzan. Netanyahuk "garaipen handi baten atarian" zeudela esan zien jarraitzaileei, baina behin betiko emaitzen zain egoteko eskatu zuen.
2019tik Israelen egiten dituzten bosgarren hauteskundeak dira honakoak.
Albiste gehiago mundua
Netanyahuk "hiltzaileei, haurrak erre eta bortxatzen dituztenei Israelen bihotzean estatu bat" eman nahi dietenak mehatxatu ditu
Benjamin Netanyahu Israelgo lehen ministroak berriro azpimarratu du Palestinako Estatua ez dela "izango", eta iragarri du NBEren Batzar Nagusian egingo duela "haurren hiltzaile, bortxatzaile eta erregailuei Israelen bihotzean estatu bat" eman nahi dietenen kontra. "Gure egia esango dut: Israelgo herritarrena, Israelgo Defentsa Indarretako soldaduena, gure Estatuarena. Hiltzaileak, bortxatzaileak eta haurrak erretzen dituztenak kondenatu beharrean, Israelen bihotzean estatu bat eman nahi duten buruzagiak kondenatuko ditut", agindu du, eta gaineratu du ez dela Palestinako Estaturik izango.
Zelenskiren esanetan, ez dago segurtasun bermerik, "lagunak eta armak bakarrik"
Gainera, "gizateriaren historiako arma-karrera suntsitzaileenaren" arriskuez ohartarazi du.
Zuloa egin da ospitale baten aurrean Bangkoken, eta dozenaka gaixo atera behar izan dituzte
Kolapsoak 50 metroko sakonera, 30 metroko zabalera eta 30 metroko luzera dituen zulo bat ireki du, eta ospitalearen aurrean aparkatuta zegoen garabi bat irentsi du. "Hasiera batean, uste da lur mugimendu batek eragin duela zuloa, eta lurpeko ura pilatu dela tunelaren eta geltokiko hormaren artean", adierazi du Bangkokeko Administrazioak, ohar bidez.
Donald Trumpek NBEn botatakoek hautsak harrotu dituzte
AEBko presidenteak hitzaldi garratz-mina egin du New Yorkeko Nazio Batuen egoitzan. Besteak beste, NBE erakundearen beraren aurka egin du, klima aldaketa zalantzan jarri du eta "zazpi hilabetean zazpi gerrari" amaiera eman diela esan du.
Margarita Roblesen hegazkinaren GPSa itzalarazten saiatu dira, Kaliningradetik gertu zegoela
Ohikoa da Kaliningradetik gertu dabiltzan nabigazio-gailuak "perturbatzen" saiatzea; Polonia, Lituania eta Itsaso Baltikoaren artean dagoen Errusiako enklabea da. Inzidentziak ez du kaltertik eragin hegaldian.
Macronek Palestinako Estatua aitortzearen alde egin du Trumpen aurrean
Israel Gazako Zerrendan egiten dabilen erasoa amaiera emateko "ikuspegi politikoa" izan behar dela nabarmendu du Frantziako presidenteak.
NBEren egoitzako eskailera mekaniko bat Trumpen aurrean gelditu izana ikertuko du AEBko Zerbitzu Sekretuak
New Yorkeko Nazio Batuen egoitzako eskailera mekaniko batean ez aurrera ez atzera geratu ziren AEBko presidentea eta bere emaztea Melania Trump. NBEren arabera, AEBko ordezkaritzaren kide batek "konturatu gabe" segurtasun mekanismo bat aktibatu zuen eskaileraren goiko aldean. Etxe Zuriaren arabera, NBEko norbaitek eskailera mekanikoa itzali bazuen, "kaleratu beharko lukete"
Txina prest, Ragasa supertifoiari aurre egiteko
Urakan-haizeek Hong Kong geldiarazi dute gaur. Taiwanen, supertifoiak gutxienez 14 hildako, hogei bat zauritu eta 100 desagertu baino gehiago utzi ditu. Hildako gehienak etxeko lehen solairuan zeuden adinekoak ziren, eta ezin izan zituzten garaiz ebakuatu.
Sumud Flotillak salatu du "gutxienez 13 lehergailu" jaurti dizkietela eta komunikazioa etenarazi dietela
Nazioarteko flotillak esan du "operazio psikologikoak" direla nabigazioa geldiarazteko, eta droneen presentziak "beldurtu eta Israelentzat inteligentzia biltzeko" helburua duela.
Bueltan da Jimmy Kimmelen saioa, eta aurkezleak Trump kritikatu du "txantxak ez jasateagatik"
Jimmy Kimmelek Donald Trump AEBko presidentearen aurka egin du, programa bertan behera uzteagatik eta adierazpen askatasunaren aurka egin duelako: "Gure liderrak estatubatuarrek euren lanak galtzea ospatzen du, txantxak jasaten ez dituelako", esan du umoregileak hasierako bakarrizketan.