Zortzi dira Istanbulgo atentatuan hildakoak
Suleyman Soylu Turkiako Barne ministroaren hitzetan, zortzi dira dagoeneko Istanbulgo (Turkia) Istiklal etorbidean atzo egindako atentatu terroristan hildakoak. 81 pertsona zauritu dira, horietako bi, larri.
Mikel Ayestaran EITBk Ekialde Erdikoan duen berriemaileak, Al Jazeera telebista katearen iturriak aipatuta, bere Twitter kontuan jaso duenez, azken orduetan, bi pertsona gehiago hil dira, eta horrenbestez, zortzi dira hildakoak.
Ikerketari dagokionez, orain arte 46 pertsona atxilotu ditu poliziak. Tartean dago bonba jarri omen zuen emakumea. Atxilo hartutakoa siriarra da, Ahlam Albashir izenekoa. Turkiako agintarien arabera, Albashirrek Kobani hirian (Siria iparraldea) jaso zuen atentatua egiteko agindua. Kurdistanen (Siria) dago Kobani, eta erresistentzia gune garrantzitsua da.
Turkiako Poliziak gaur jakinarazi duenez, atentatuaren susmagarri nagusiak aitortu omen du "PKK erakunde terroristak" trebatu zuela "inteligentzia agente berezi bezala".
Turkiak Kurdistango Langileen Alderdiari (PKK, turkieraz) leporatu dio atentatua, baina oraingoz, ez du inork bere gain hartu.
Fahrettin Altun Turkiako Presidentetzaren bozeramailearen arabera, atentatua "herrialde batzuek talde terroristei ematen dieten babesaren ondorio zuzena edo zeharkakoa da".
"Nazioarteak kontuan hartu beharko luke. Gure zibilen kontrako eraso terroristak herrialde horien babesaren ondorio da", erantsi du. Ankarak uste du AEBk, Suediak edo Finlandiak PKK diruz laguntzen dutela, eta babes horrekin lotu du atentatua.
Albiste gehiago mundua
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.