Turkiak Siria bonbardatu du, igandeko atentatuagatik errepresalia gisa, eta gutxienez 45 hildako utzi ditu
Siriako Gobernuaren aldeko 45 soldadu eta miliziano kurdu gutxienez hil dira azken orduetan Turkiak Siriako iparraldean eta ekialdean abiatutako bonbardaketetan.
Zonalde horiek Siriako Indar Demokratikoen milizia kurduen esku daude. Horiei, hain justu, egotzi die Turkiako Gobernuak joan den igandean Istanbulen izandako atentatua eta, hori dela eta, zigor modura, horiek bonbardatzea agindu du Ankarak. Siriako Indar Demokratikoen arabera, gutxienez 11 zibil hil dira.
Turkiako Defentsa Ministerioak larunbat honetan iragarri zuen talde kurduen aurkako "Atzapar-Ezpata" izeneko operazioaren hasiera, Irakeko eta Siriako iparraldean, joan den igandean Istanbulgo erdigunean izandako leherketaren erantzuleak direlakoan, Turkiako Gobernuaren arabera. Leherketa horretan gutxienez 6 lagun hil eta beste 81 zauritu ziren.
"Kontuak egiteko ordua da", ondorioztatu zuen Turkiako Defentsa Ministerioak operazioa zuritzeko kaleratutako ohar baten bidez, "NBEko Gutunaren 51. artikuluaren arabera, defentsa legitimorako eskubidea dugulako".
Giza Eskubideetarako Siriako Behatokiaren arabera, gutxienez 15 pertsona hil dira Al Hasaka eta Raqa udalerrietan izandako erasoetan.
Duela egun batzuk, Istanbulgo atentatuaren egiletza Kurdistango Langileen Alderdiari egotzi zion Ankarak. Alderdi horrek akusazioak errefusatu ditu, baina atentaturako agindua Kobane hiritik eman zuten "susmoak" dituztela esan du Turkiako Barne ministroak.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.