Gutxienez 162 pertsona hil dira Indonesian 5,6 graduko lurrikara baten ondorioz
Gutxienez 162 pertsona hil dira Indonesian izandako lurrikara baten ondorioz. Richter eskalan 5,6 gradu izan dituen lurrikarak Jakarta hiriburua astindu du, eta zauritu ugari eragin ditu, herriko agintariek baieztatu dutenez.
Ridwan Kamil Mendebaldeko Javako gobernatzailearen arabera, hildako gehienak adingabeak dira, lurrikara eskolak irekita zeudenean izan delako. Esan duenez, gutxienez 326 zauritu daude, eta 13.700 pertsonak etxea utzi beharzan dute. Martxan jarritako 14 aterpetan hartu dituzte.
Gobernatzaileak gehitu duenez, 2.300 etxebizitzatik gora daude nabarmen kaltetuta. Gainera, gutxienez hiru errepide isolatuta daude, Kompas telebista katearen arabera.
Herman Suherman Cianjur hiriko alkateak nabarmendu duenez, "pazienteak iristen ari dira oraindik", "gehienak iparraldeko eskualdekoak" direla gaineratu aurretik. Lurrikara 13:21ean izan da, epizentroa Cianjur hiritik hamar kilometro hegoaldera izan da, Indonesiako Meteorologia, Geofisika eta Klimatologia Agentzia Nazionalaren arabera.
Halaber, adierazi du lurrikarak Cianjur hirian, Mendebaldeko Javan, 365.000 pertsona baino gehiagori zerbitzu elektrikoa eten diela, agintariak "elektrizitatea azkar berrezartzeko" lanean ari direla azpimarratu aurretik, Kompasek jaso duenez.
Telebista kate horrek jasotako informazioaren arabera, zauritu kopuru handiaren ondorioz, paziente batzuk Cianjur ospitaleko aparkalekuan artatzen ari dira, kaltetu guztiak tratatzeko oherik ez dagoelako.
Zure interesekoa izan daiteke
AEBko administrazioa ireki dute: 43 egun iraun duen eta inoizko luzeena izan den itxialdiari amaiera eman diote
Donald Trump Ameriketako Estatu Batuetako presidenteak bart sinatu du administrazioaren itxierari amaiera eman dion legea. Urtarrilaren 30era arteko aurrekontua onartu dute, eta Ordezkarien Ganberak 2026rako partidak osorik onartu beharko ditu, berriro itxialdirik egon ez dadin.
Albiste izango dira: 10 urte Bataclan aretoko atentatuetatik, gutxieneko soldata propioa Eusko Legebiltzarrean eta Korrikaren aurkezpena
Gaurkoan Orain-en albiste izango direnen laburpena, bi hitzetan.
David Bataclanen bahituta eduki zuten: “Minutu oro oroitzen dut gertatutakoa, tenperatura, usainak, armak…”
Eraso jihadista batean, 132 pertsona hil ziren Parisen, 2015eko azaroaren 13an; gehienak, Bataclan aretoan. 10. urteurrena da, eta biziraun zuen David Fritz elkarrizketatu du EITBk. 10 lagunekin batera bahitu zuten, bi ordu eta erdiz. Haren aurrean jendea hil zuten. Bizipen hark traumak utzi dizkio, eta memorian iltzatuta ditu ikusitakoen irudiak. Terapia gisa, bi liburu idatzi ditu ordutik.
Macronen pentsioen erreforma bertan behera utzi du Frantziako Asanblea Nazionalak
2023an onartutako erreformak polemika piztu zuen hasieratik eta herrialdeak bizi izan duen krisi politikoaren arrazoi nagusiena izan da. Alderdi Sozialistak erreforma bertan behera uztea baldintza gisa jarri zuen Sebastien Lecornuren gobernua erortzen ez uzteko.
Krisia BBCn: Zer gertatu da eta zein dira hurrengo pausoak?
Tim Davie Erresuma Batuko irrati-telebista publikoaren zuzendari nagusiak eta Deborah Turness albistegien zuzendariak dimisioa eman dute, Trumpen hitzaldi baten manipulatutako bertsioa emititzeagatik.
Fung-wong tifoiak 27 hildako utzi ditu Filipinetan eta 3,6 milioi pertsonari eragin dizkio kalteak
Galerak oso handiak dira, milaka etxe suntsituta edo kaltetuta daude, 170.000 familia ebakuazio-zentroetan daude babes hartuta, eta komunikazioa oso zaila da, 37 zubi erori baitira, eta gutxienez 12 errepide nazional urak hartu ditu.
Manifestari talde bat Brasilgo COP30ean sartu da, milamilioidunenei zerga gehiago jarri diezaietela eskatzeko
Belemen, manifestariek Nazio Batuen Erakundeak kudeatzen duen COP30eko gune urdinean sartzea lortu dute. Amazoniako petrolio-ustiategien aurka protesta egin dute eta milamilioidunenek ingurumen-zergak handiagoak ordaindu ditzatela eskatu dute. Lula presidentearen aurkako mezuak ere zabaldu dituzte, Amazoniaren egoera ofizialki onartzen dena baino okerragoa dela salatuz.
Sarajevoko setioan zibilei tiro egitearen truke ordaindu omen zuten italiarrak ikertzen ari da Milango Fiskaltza
Alessandro Gobbis fiskalak ikerketa bat ireki du eskuin muturrarekin lotura duten italiar batzuei buruz. Sarajevoko setioan (1992-1996) frankotiratzaile gisa jarduteko 100.000 euro ordaintzea egozten diete.
Atentatu suizida batek gutxienez hamabi pertsona hil ditu Pakistango hiriburuko auzitegi batetik gertu
Pakistango atentatua eta astelehenean izandako Indiako leherketa ikertzeko eskatu du NBEko idazkari nagusiak.
Belgikak 2.000 euroko soldata eskaini die urtebeteko soldaduska egin nahi duten 17 urteko boluntarioei
Borondatezko soldaduska 2026ko irailean hasiko da, eta Belgikako Gobernuak 149.000 gutun baino gehiago bidali dizkie herrialdeko 17 urteko gizon eta emakume guztiei.