AEBk Kennedyren hilketari buruzko 12.000 dokumentu baino gehiago atera ditu argitara
Estatu Batuetako Artxibo Nazionalek John F. Kennedy presidente ohiaren hilketari lotutako 12.879 dokumentu desklasifikatu dituzte, Dallasen (Texas) izandako magnizidiotik ia 60 urtera. Hala agindu zuen atzo, osteguna, Joe Biden AEBko presidenteak, The Washington Post egunkariak jakitera eman duenez.
Argitaratutako dokumentuen zati handi bat Inteligentzia Agentzia Zentralarenak (CIA) ziren; horrek esan nahi du, Kennedyren hilketari buruzko dokumentuen % 95 desklasifikatu direla dagoeneko, erakundeko bozeramaileak azaldu duenez.
Etxe Zuriak azpimarratu duenez, erabaki horrek argi islatzen du Biden Administrazioak "gardentasun handiagoarekin" jarduteko hartu duen "konpromisoa". Gainera, estatubatuarrei hilketaren inguruko ikerketak "hobeto ulertzeko" balio diezaiekeela adierazi du.
"Agentziek ahalegin handia egin dute aurretiaz idatzita zeuden ia 16.000 erregistroak berrikusteko. Dokumentu horien % 70 baino gehiago bere osotasunean argitara daitezkeela zehaztu zuten", azaldu du Etxe Zuriak ohar batean.
Era berean, gaineratu du erregistro gehienetan ez dela beharrezkoa artxiboak babestea. Hala ere, kasu batzuetan litekeena da dokumentuek AEBko defentsa militarrari, inteligentzia operazioei, legearen aplikazioari edo AEBko kanpo harremanei "kalte" egitea, presidenteak azpimarratu duenez. Aipatutako egoetan, artxiboak babespean geratuko lirateke.
Artxibo Nazionalek dokumentuak berrikusten jarraituko dute 2023ko maiatzaren 1era arte, eta, agentziek "etengabe atzeratzea" gomendatzen ez duten atxikitako informazio oro 2023ko ekainaren 30a baino lehen argitaratuko da.
Kennedyren hilketa
John F. Kennedy presidente ohiak 46 urte zituen eta lehen agintaldia betetzen ari zen 1963ko azaroaren 22an Texasera egindako bisita ofizial batean tirokatu zutenean.
Lee Harvey Oswald atxilotu zuten tiroketaren egiletza leporatuta, eta bi egunera, epailearen aurrera deklaratzera zihoala, Jack Ruby Dallaseko gaueko klub bateko jabeak hil zuen. Warren Batzordea arduratu zen hilketa ikertzeaz, eta Oswaldek bakarrik jokatu zuela ondorioztatu zuen.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.