McCarthyk ez du lortu Behe Ganberako presidente izateko babesa, hainbat alderdikideren oposizioagatik
Kevin McCarthy errepublikanoak ez du Ameriketako Estatu Batuetako Ordezkarien Behe Ganberako presidente hautatua izatea lortu, 118. Kongresuaren hasieran egindako lehen bozketan.
McCarthyk 218 boto behar zituen Behe Ganberako speakerra izateko, eta 203 baino ez ditu lortu. Honenbestez, ez dute lehenengoan aukeratu - mende bat ez zela horrelakorik gertatzen-, eta, beraz, hainbat bozketa egin beharko dira hautagaiak beharrezko gehiengoa lortu arte.
Osoko bilkuran sartu aurretik, Kaliforniako ordezkariak onartu du ez zuela nahikoa boto Estatu Batuetako Ordezkarien Ganberako presidente izateko, baina ziurtatu du horiek lortzeko borroka ematen jarraituko duela.
Bestalde, Hakeem Jeffries New Yorkeko hautagai demokratak 212 boto lortu ditu, eta McCarthyren aurka matxinatu diren errepublikanoek beste hautagai bat proposatu dute, Andy Biggs Arizonako kongresista ultraeskuindarra, zeinak 10 boto lortu dituen.
Guztira, 9 biltzarkidek ez dute horietako baten alde bozkatu, eta Donald McEachin legegile demokrataren botoa falta izan da, azaroan hil zelako.
Ondoren, hainbat bozketa egin beharko dira hautagairen batek gehiengoa lortu arte. Hori lortu ezean, errepublikanoek (gehiengoa dute, 435 eserlekuetatik 222 lortuta) hautagai berri bat aurkeztu beharko lukete.
Speakerra aukeratzeko bozketa bat baino gehiago behar izan zen azken aldia duela mende bat suertatu zen. 1923an, Ganberako presidentea bederatzigarren bozketan aukeratua izan zen; 1869an, berriz, 60 bozketaren ondoren lortu zen, bi hilabetez luzatu zen prozesuan.
Ganberak ezin du auzirik erabaki harik eta speakerra izendatu arte. AEBko hirugarren agintaria da, Joe Biden presidentearen eta Kamala Harris presidenteordearen ondoren.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.