Zelenskik Europako ganberari: "Ukraina Europar Batasuneko kide izango da"
Volodimir Zelenski Ukrainako presidenteak Europako Parlamentuaren aurrean egindako hitzaldian nabarmendu duenez, bere herrialdea "Europar Batasuneko kide" izango da". Era berean, "Europako bizimodua" defendatu du, eta gaineratu Ukraina "etxean bezala" sentitzen dela bertan.
"Europar Batasunera hurbiltzen ari gara, Ukraina Europar Batasuneko kide izango da", aldarrikatu du txalo artean.
Gerra hasi zenetik euroganberara egiten duen lehen bisita da honakoa. Heroi baten moduan hartu dute diputatuek, eta hainbat une sinboliko izan ditu bisitak. Hala nola, batasuneko bandera atzean zutela, Zelenskik berak eta Roberta Metsola Parlamentuko presidenteak Ukrainako eta Europar Batasuneko ereserkiak entzun dituzte.
Behin hizlarien lekura igota, Ukrainako presidenteak azpimarratu du Errusiaren aurkako "aurrez aurreko gerran" murgilduta ikusten duela Europa. Kremlinek "Ukrainako bizimodu europarra desegin nahi du", salatu du.
"Ukrainarentzat, Europa etxerako buelta da. Ukrainar guztien etxera buelta defendatzeko nago hemen", esan du.
Parlamentura egindako bisitaren ondotik, Europako Kontseilura joango da Zelenski.
Albiste gehiago mundua
AEBko hedabideen arabera, Trumpek dagoeneko onartu ditu Irani eraso egiteko egitasmoak
CBSren arabera, Trumpek oniritzia eman dio aireko erasoekin Israeli laguntzeari. 'The Wall Street Journal' egunkariaren arabera, astearteko azken orduan, Trumpek goi aholkulariei esan zien azken erabakia atzeratzen ari zela, Teheranek programa nuklearra uzteko erabakiaren zain.
Sanchezek NATOri jakinarazi dio ez duela defentsako gastua gehiago igoko, eta % 5eko igoera "irrazionaltzat" jo du
Espainiako Gobernuko presidenteak aldarrikatu du gobernu bakoitzak "sakrifizio" jakin batzuk egin zein ez egin erabakitzea zilegi dela, hala nola zergak igotzea eta zerbitzu publikoak eta gizarte-prestazioak murriztea.
Israelek Arakeko ur astunen erreaktorea bonbardatu du, Iranen
Israelen erasoek Iranen azpiegitura militar eta nuklearra murriztu dute, eta 224 lagun hil egin dituzte, persiar Gobernuaren datu ofizialen arabera
Gazako agintariek jaioberriak elikatzeko premiazko laguntza eskatu dute
Horrez gainera, Osasun Ministerioak salatu duenez Gazako erietxeetan soilik hiru egunerako erregaia gelditzen zaie. Bestetik, 25 pertsona hil eta 120 baino gehiago zauritu dira janari zain zeudenean.
Israelek Teherango hainbat auzo eta toki bonbardatu ditu, tartean Ilargi Gorriaren eraikin bat
Joan den ostiral goizaldean Israelek Iranen aurkako erasoa abiatu zuenetik, Teheranek 400 misil balistiko eta ehunka drone jaurti ditu Israelen aurka.
Irango buruak AEBri mehatxu egin, eta adierazi du Israelekin duen gatazkan sartuz gero "ondorio konponezinak" izango direla
Ali Khameneik azpimarratu duenez, Teheranek "irmo jarraituko du inposatutako gerra baten aurrean, inposatutako bake baten aurrean bezala"
Trumpek dio badakitela non dagoen Khamenei, baina "oraingoz" ez omen dute hilko : "Jomuga erraza da"
"Gure pazientzia bukatzear da", azpimarratu du AEBko presidenteak, eta Irani "baldintzarik gabe amore eman" dezala eskatu dio.
Aire erasoek ez dute etenik Israelen eta Iranen artean
Gaur arratsaldean Iranek alarma antiaereoak piztu ditu Israelgo hegoaldean, ostiraletik egindako hamargarren erasoan. Iranen ere, bonbardaketak izan dira berriro Teherango kaleetan.
Zer dakigu Trumpek bere izenarekin martxan jarri nahi duen telefono zerbitzuari buruz?
Ameriketako Estatu Batuetako presidenteak 'Trump' eta 'T1' markak erabiltzea eskatu du telekomunikazio, dispositibo mugikor eta telefono sektoreetan.
Melissa Hortman Minnesotako kongresista demokrataren hilketaren susmagarria atxilotu dute
Hortmanez gain, senarra ere hil zuen Vance Boelter susmagarriak. John Hoffman senatari estatala eta haren emaztea ere zauritu zituen erasoan.