Netanyahuk kargutik kendu du Defentsa ministroa, erreforma judiziala geldiaraztea proposatzeagatik
Benjamin Netanyahu Israelgo lehen ministroak Yoav Gallant Defentsa ministroa kargutik kendu du igande honetan, hark larunbatean erreforma judizial polemikoaren tramitazioa gelditzearen eta elkarrizketari bide ematearen alde egin ondotik.
Netanyahuk ohar labur batean eman du Gallanten martxaren berri, eta azaldu du konfiantza galdu duela beragan "Gobernuari bizkarra eman diolako", Israelgo prentsak jakitera eman duenez. Netanyahu bisita ofizialean dago Erresuma Batuan.
Gallantek Netanyahuren Likud alderdiko diputatu izaten jarraitzen du, baina airean dago Gobernuko kide izaten jarraitiko duen. Izan ere, Netanyahu sostengatzen duen koalizioa hura osatzen duten eskuineko eta eskuin muturreko alderdien arteko indar-oreka konplexuaren emaitza da.
Netanyahuk bultzatutako erreforma judizial polemikoaren aurrean Israelgo Gobernuak orain arte erakutsitako defentsa monolitikoa hautsi zuen larunbatean Gallantek. Horren ustez, herrialdea krisi politiko sakonean murgildu da, erreforma botere banaketarako mehatxu dela uste duen oposizioaren protesten ondorioz.
"Ez dut inoiz ikusi orain ikusten dudan gorroto eta min maila. Gizartearen zatiketa Armadaraino iritsi da (erreserbistak erreformaren aurka agertu dira), eta horrek arrisku itzela dakar Estatuaren segurtasunerako. Ez dut honetan amore emango. Epaileak aldatu behar dira, baina aldaketa garrantzitsuek elkarrizketa behar dute. Prozesu legegilea gelditu egin behar da", esan zuen Gallantek telebistan emandako hitzaldi batean.
12 astez protestan
630.000 pertsona baino gehiago (horietako 300.000 Tel Aviven) atera dira larunbat honetan Israelgo hiri nagusietako kaleetara, Benjamin Netanyahu lehen ministroaren Gobernuak bultzatutako erreforma judizial polemikoaren aurka protesta egitera.
Erreforma judizialaren aurkako protesten 12. astea izan da, eta jendetsuena, Gallant ministroaren iragarpenarekin bat egin duelako.
Erreforma judizialak Auzitegi Goreneko epaileen izendapenaren gaineko erabateko kontrola emango lioke Gobernuari, eta auzitegiek Parlamentuak onartutako arauei betoa jartzea eragotziko luke. Araua datorren astean onartuko dute behin betiko.
Protestas en Tel Aviv, este sábado. EFE.
Albiste gehiago mundua
Txinan gero eta komunitate gehiago daude emakumeentzat bakarrik
Txinan goraldian daude elkarrekin bizitzea erabakitzen duten emakumeen komunitateak, familia tradizional bat eraiki beharrean. Beren burua zaintzeko libre bizitzea aldarrikatzen dute emakume horiek.
Kanadak AEBren aurka errepresalia gisa ezarritako muga-zergen zati bat kenduko du, Trumpekin akordioa errazteko
Gaia gertutik jarraitzen duten iturrien arabera, Carneyk % 25eko zergak kenduko ditu AEBk, Mexikok eta Kanadak sinatutako USMCA merkataritza libreko hiruko akordioaren estandarrak betetzen dituzten Estatu Batuetako merkantzientzat. Hala ere, Ottawak % 25eko muga-zergak mantenduko ditu altzairu eta aluminioarentzat, baita autoentzat ere.
Nord Stream gasbidearen sabotajeagatik Italian atxilotutako ukrainarrak Alemaniara estraditatzea errefusatu du
Gainera, akusatuak ukatu egin ditu Alemaniako justiziak egozten dizkion delituak.
NBEk Gazako gosetea izendatu izanaren gakoak
Azken asteetan, goseak eragindako berrehun heriotza baino gehiago erregistratu dira, martxoaren hasieratik Israelgo Gobernuak elikadura-laguntza eta oinarrizko beste hornidura batzuk blokeatu izanaren ondorioz. Hala ere, NBEk gosete egoera bat ofizialki deklaratu ahal izateko, zenbait baldintza bete behar dira.
NBEk ofizialki gosete egoera deklaratu du Gazan
Ehunka mila pertsona gose larrian daude eta krisia datozen asteetan areagotu egingo omen da.
Epaile batek debekatu egin du Alligator Alcatraz atxiloketa-zentroan migratzaile gehiago sartzea
Floridako Gobernuak Kathleen Williams magistratuaren epaia apelatuko duela iragarri du, deportazioak egiten jarraituko dutela ohartarazteaz gain.
Trumpek 450 bat milioi dolarreko isuna saihestu du apelazioan, iruzur egitea leporatuta zigortu ostean
Alabaina, Trump Erakundearen "enpresa-kultura mugatzeko" ezarritako kautelazko neurriak mantendu dituzte magistratuek. Ondarea puzteaz akusatuta dago, mailegu mesedegarriak eta bestelako finantza-onura batzuk lortzeko helburuarekin.
Gutxienez 18 hildako eta dozenaka zauritu Kolonbian izandako bi atentatutan
Gustavo Petro Kolonbiako presidenteak FARCeko talde disidenteetako bati —Erdialdeko Estatu Nagusia (EMC)— leporatu dio atentatuen erantzukizuna. Halaber, iragarri du talde hori talde terroristen zerrendan sartuko duela.
Netanyahuk "berehalako" negoziazioak agindu ditu bahituak askatzeko, asmo militarrei uko egin gabe
Negoziazioak agindu dituen egun berean berretsi du Israelgo Armadak "Gazako hiria hartu eta Hamas garaitzeko" aurkeztu dion plana.
Ehunka palestinarrek desplazamenduaren aurkako manifestazioa egin dute Gaza hirian: "Gaza gurea da"
Bart gauean, Benjamin Netanyahu Israelgo lehen ministroak Gaza hiria hartzeko epeak laburtzeko agindu zion Armadari, inbasioaren hasiera aurreratuz. Kalkuluen arabera, milioi bat pertsona inguru bizi dira Gaza hirian, eta gainerako herritarren zati handi bat (2,1 milioi pertsona guztira) Gazako Zerrendaren hegoaldean.