Gazte transexual batek hiru adingabe eta hiru heldu hil ditu tiroz Nashvilleko ikastetxe pribatu batean
28 urteko pertsona transexual batek gutxienez hiru adingabe eta hiru pertsona heldu hil ditu tiroz gaur Nashvilleko (Tennessee) haur eta lehen hezkuntzako zentro pribatu katoliko batean. Ondoren Poliziak erasotzailea hil du.
Tirokatzailea albo-sarrera batetik sartu da ikastetxean, bi eraso-fusil eta pistola batekin, eta ikastetxeko hiru adingabe eta hiru langile hil ditu, Nashvilleko Poliziak jakitera eman duenez.
Adingabeak bizirik eraman dituzte osasun-zentrora bala zauriekin, eta handik gutxira hil dira, John Howser ospitaleko bozeramaileak AEBetako hedabideari azaldu dionez.
Tiroketa Covenant School ikastetxean gertatu da, eskolaurretik seigarren mailara, hau da, 11 urtera arteko ikasleak dituen zentroan.
Aurten, gutxienez 30 eraso izan dira suzko armekin AEBko eskoletan, eta zortzi hildako eta 23 zauritu utzi dituzte, Everytown for Gun Safety erakundearen datuen arabera.
Etxe Zuriak tiroketa gaitzetsi du, eta azpimarratu du Kongresuak eraso-armen legedia gogortzeko lan egin behar duela. "Gehiago egin behar dugu. (Presidentea, Joe Biden) Kongresuak parte hartzea nahi du. Nahikoa da ", esan du prentsaurreko batean Karine Jean-Pierre AEBetako Presidentetzaren bozeramaileak.
Albiste gehiago mundua
Estatu palestinarra onartzea Hamas "saritzea" dela salatu du Trumpek
Dagoeneko 157 herrialdek aitortzen dute Estatu palestinarra, gehiengo zabala Nazio Batuen Erakundean eserlekua duten 193 herrialdeen artean.
Laku batek gainezka egin eta uholdeak eragin ditu Taiwanen, Ragasa supertifoiak utzitako euriteen ondorioz
Gutxienez 75 pertsona harrapatuta daude, eta bi lagun agertu barik, Guangfu udalerrian, Ragasa supertifoiak eragindako euriteen ondorioz laku natural batek gainezka egin du eta. Urak herriaren erdigunea estali du, eta herritarrak teilatu eta ibilgailuetara igo behar izan dira erreskate-taldeak iritsi arte.
Parazetamola, haurdunaldia eta autismoa: ikerketa askok baztertzen duten korrelazioa
Zientzialarien esanetan, parazetamola beste edozein aukera baino hobea da haurdun dauden emakumeen mina arintzeko. Gainera, seme-alaba autistak dituzten familiak estigmatizatzeko arriskuaz ohartarazi dute, gurasoek eragin duten ustea zabal daitekeelako.
Jimmy Kimmelen programa bueltan da, Charlie Kirken hilketari buruzko iruzkinengatik bertan behera geratu ostean
"Jimmy Kimmel Live!" umorezko late night arrakastatsua ABC katera itzuliko da, saioa kendu izanak Ameriketako Estatu Batuetan sortutako polemikaren ostean.
Beste hamaika herrialdek onartu dute Palestinako Estatua
Frantzia, Belgika, Luxenburgo, Andorra, Malta, Monako eta San Marino izan dira pausoa ematen azkenak, New Yorken bi estatuen konponbidea gauzatzeko pausoak zehazteko asmoz egindako goi bileran.
Trumpek parazetamola autismoarekin lotu du, ebidentzia zientifikorik ez dagoen arren
Donald Trumpen Gobernuak lotura posible bat aurkitu omen du autismoaren eta haurdunaldian parazetamola kontsumitzearen artean. AEBko presidenteak Etxe Zurian iragarri du aurkikuntza, adituek teoria horren sendotasun zientifikoa zalantzan jartzen duten arren.
Albiste izango dira: Nazio Batuen Batzar Nagusia, Zinemaldia eta eguraldia
Gaurkoan Orain-en albiste izango direnen laburpena, bi hitzetan.
Palestinako Estatuaren aitortza erdigunean dela abiatuko da NBEren 80. Batzar Nagusian
Erresuma Batuak, Kanadak, Australiak, Portugalek eta Frantziak aitortu dute ofizialki Palestinako Estatua, goi-bileraren bezperan. Horren aurrean, Benjamin Netanyahu Israelgo lehen ministroak esan du ez dela inolaz ere Palestinako Estaturik egongo, eta Bezalel Smotrich zein Itamar Ben Gvir Israelgo ministroek Zisjordania anexionatzea proposatu dute, Palestinako Estatua aitortzeko erabakiei erantzuteko.
"Ondorio juridikoak baino, garrantzi politikoa du nazioarteak Palestina aitortzeak"
Victor Amado EHUko Historia Garaikideko irakasleak uste du onarpenarekin Palestinak nazioarteko zilegitasuna irabaziko duela, Netanyahuren erregimen gero eta isolatuagoaren aurrean.
NBEk gerra eta gizateriaren aurkako krimenak leporatu dizkio Errusiari, Ukrainan egindako gehiegikeriengatik
Ikertzaileek Ukrainako zibilen aurkako eraso indiskriminatuak salatu dituzte.