Trumpek errugabea dela berretsi du: "Egindako krimen bakarra gure nazioa defendatzea izan da"
Donald Trump Amerikako Estatu Batuetako presidente ohiak errugabea dela errepikatu du, New Yorkeko epaitegi batek 34 delitu egotzi ondoren, apirilaren 5eko goizaldean Floridako bere etxean eman duen hitzaldian. Storny Daniels aktore pornoari egindako legez kanpoko ordainketekin lotutako prozesuaren barruan egotzi dizkiote kargu horiek.
"Herrialdea infernua doa" esanez hasi du hitzaldia AEBetako presidente ohiak eta bere burua defendatu du honakoa esanez: "egindako krimen bakarra izan da gure nazioa beldurrik gabe defendatzea, suntsitu nahi duten horien aurrean".
Bere aurka epaitegietan hasi duten prozesuak "oinarririk ez" daukala esanez jarraitu du. "Kasua berehala utzi behar lukete alde batera. Denek, nire abokatuek, mundu guztiak dio hemen ez dagoela ezer. Ez dago kasurik!" ziurtatu die bere jarraitzaileei.
Presidente ohiak unea probestu du Joe Biden gaur egungo presidentearen aurka egiteko eta haren etxean aurkitu ziren sekretupeko dokumentuen auzia aipatu du hitzaldian. Hala ere, kritika zorrotzenak Juan Merchan epaileari eta Andy Bragg Manhattaneko barrutiko fiskalari egindakoak izan dira. "Trump jazartzeko" ideia finkoa dutela buruan salatu du eta kargua utzi beharko luketela iradoki die.
Donald Trumpek Floridan duen luxuzko etxearen barruan eman du hitzaldi hau. Bertara gonbidatu ditu bere markako merchandising produktuak soinean zituzten jarraitzaile ugari (200 inguru hainbat hedabideren hitzetan). Horrez gainera, alboan zituen ere seme-alabak eta publikoki babesa eman dioten Alderdi Errepublikarreko hainbat kongresista, Marjorie Taylor Greene adibidez.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.