Tentsioa handitzen ari da Palestinan, eta ehunka fededun Al Aqsa meskitan gotortu dira
Palestina eta Israelen arteko tentsioaren gorakadak ez du etenik. Ehundaka palestinar fededun Al Aqsa meskitan gotortu dira larunbat honetan, Jerusalemgo meskiten zabalgunean, eta ez dute handik ateratzeko asmorik. Gainera, Israelgo segurtasun indarrek manifestari palestinar bat hil dute tiroka Azzunen.
Polizia meskitara inguratu da palestinarrak gotortu eta gutxira, baina Jordaniako Atzerri Gaietarako Ministerioak (Jerusalemgo leku santuen arduradun formalak) ohartarazi du "ondorioak latzak" izango direla agenteak fededunak indarrez ateratzen saiatzen badira. Amanetik adierazi dute horrek "tentsioa eta indarkeria" areagotuko lituzkeela, eta "mundu osoak" ordainduko lukeela.
Bestalde, Mohamed Hamade Hamasen bozeramaileak berretsi du "okupazioak erresistentzia" izango duela erantzun, eta "krimenaren mailako erantzuna" emateko prest daudela.
Meskiten zabalgunea da Jerusalem Ekialdeko erlijioaren bihotza, eta Erosten harresiarekin egiten du muga, Salomonen tenplu juduaren azken arrastoarekin. Horregatik, musulmanak beldur dira Israelek Al Aqsa meskita (musulmanek duten hirugarren garrantzitsuena) eraitsi nahi ote duen Jerusalemen hirugarren tenplu judua eraikitzeko.
Indarkeriaren gorakada asteazkenean bizkortu zen aipatu meskitan Israelgo Poliziak eta fededun palestinarrek izandako borrokaldiarekin, eta ondoren kohete jaurtiketak eta bonbardaketak izan ziren Gazako Eremuan eta Libano hegoaldean.
Ostiralean, berriz, 15 eta 20 urteko bi ahizpa hil zituen Israelek tiroka, eta oso larri zauritu zuen horien ama. Gero Israelgo herritar arabiar batek turista talde bat harrapatu zuen autoarekin Tel Aviveko itsas pasealekuan, eta poliziak tirokatuta hil zen. Turistetako bat, 36 urteko italiarra, hil egin zen, eta beste zazpi zaurituta geratu ziren.
Gertakari horien ostean, Israelgo Armadak indartu egin zuen bere dispositiboa bai Israel erdigunean bai Zisjordanian.
Izan ere, Palestina eta Israelen arteko gatazkan izan den urte hasierarik gogorrena izaten ari da 2000. urtetik, hildako kopuruari dagokionez. 2023a hasi zenetik 94 palestinar hil dituzte, eta 18 dira Israelen hildakoak.
Gainera, Israelgo Armadak erasoak egin ditu Siria hegoaldean lurretik eta airetik, inguru horretatik sei kohete jaurti eta hiruk Israel jo ostean.
Baina bien bitartean, Israelgo agintariek Zisjordaniako asentamenduak zabaltzeko sei plan onartu berri ditu, tartean bi auzoren eraikuntza.
Albiste gehiago mundua
Ruttek dio Espainiak BPGren % 3,5 gastu militarrera bideratu beharko duela
Gainera, NATOko idazkari nagusiak gaineratu du 2029an konpromisoak berrikusiko dituztela. Ruttek argi utzi du "NATOk ez duela akordio batetik kanpo geratzeko borondatezko klausularik", eta ez dituela "bigarren mailako eta alboko akordioak ezagutzen".
Pablo Ibarren defentsak dio agertu berri den lekuko batek badakiela nortzuek gauzatu zuten benetan hilketa hirukoitza
Ekainaren 26an 31 urte beteko dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita zigortu zuten. Hala ere, berak errugabea dela dio.
Iranek eta Israelek misil gehiago jaurti dizkiote elkarri
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.
Albiste izango da: AEBen erasoa Iranen, Cerdan kasua eta San Joan bezpera
eitb.eus-ek gaur egingo dituen albiste nagusien laburpena
Ormuzko itsasartea, petrolioa eta gasa komertzializatzeko gune estrategikoa, ixteko gomendatu du Irango Parlamentuak
Azken hitza, hala ere, Segurtasun Nazionaleko Kontseilu Gorenak eta Ali Khamenei aiatolak, Irango buruzagi gorenak, izango dute. Persiar golkoaren eta Omango golkoaren artean dago Ormuzko itsasartea, eta tarterik estuenean 54 kilometro ditu. Batez beste 13 zisterna-ontzi igarotzen dira egunero bertatik, eta 15 milioi petrolio-upel baino gehiago garraiatzen dituzte. Itxiko balitz, mundu osoan izango luke eragina.
Mikel Ayestaran: "Hemendik aurrera, Iranek bi fronte izango ditu: batetik, Israel; eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indarraren erakusle, ahultasunarena baizik, denak babesteko gatz izango duelako AEBk".
Iranek ez du aukerarik baztertzen, AEBk instalazio nuklearren aurka eraso egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan, eta "ondorio iraunkorrak" izango dituztela gaineratu du.
AEBk Irango azpiegitura nuklearrak bonbardatu ditu
Iranen hiru instalazio nuklear bonbardatu ostean, Donald Trump AEBko presidenteak "bakea edo tragedia" aukeratzeko eskatu dio Irani. Oposizio demokratak Konstituzioa urratu izana leporatu dio Trumpi, Kongresuaren baimen espliziturik gabe egin duelako beste herrialde baten aurkako ekintza militarra. JD Vanceren hitzetan, bere herrialdea "ez dago Iranekin gerran, haren asmo nuklearrekin baizik".
Guterresek gaitzetsi egin du AEBk Irani egindako erasoa, eta diplomaziaren bideari eusteko eskatu du
Egoeraren larritasunaz ohartarazi du Nazio Batuen Erakundeko buruak. Indarkeria ekintzak areagotzeak, bai Iranen, bai mundu osoan, "ondorio katastrofikoak" izan ditzakeela uste du. Nazioarteko komunitateak tentsioa baretzeko eta elkarrizketarako deia egin du.
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko Palestinaren aldeko Martxa Nazionalean parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.