Emakumeen ugaltze eskubideak
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Mifepristona abortatzeko pilularen erabilera bermatu egin du oraingoz AEBko Auzitegi Gorenak

Joan den astean apelazio auzitegi batek agindutako murrizketak bertan behera utzi ditu momentuz Gorenak. AEB osoan egindako abortu kopuruaren erdia baino gehiagotan erabili ohi dute mifepristona.
Mifepristona abortatzeko pilularen irudia. Argazkia: France Press
Mifepristona abortatzeko pilularen irudia. Argazkia: France Press
author image

AGENTZIAK | EITB MEDIA

Azken eguneratzea

Mifepristona abortatzeko pilularen erabilera bermatu egin du oraingoz AEBko Auzitegi Gorenak, joan den astean apelazio auzitegi batek agindutako murrizketak bertan behera utzita.

Gorenaren erabaki horren ondorioz, sendagai hauek lortu daitezke orain arte bezala, duela 20 urte baino gehiago AEBko araudiak pilula horri emandako legezkotasunaren gainean apelazio auzitegi horrek ebatzi bitartean behintzat.

Apelazio auzitegi horrek Texas, Luisiana eta Misisipiko estatuak, besteak beste, hartzen ditu, eta mifepristona pilularen salmentari murrizketak jartzea erabaki zuen joan den astean. Bien bitartean, pilula hori debekatzeko Texaseko epaile batek hartutako erabakia aztertzen ari dira. AEB osoan egindako abortu kopuruaren erdia baino gehiagok erabili ohi du mifepristona.

AEBn aborturako eskubideak zuen berme konstituzionalak iazko udan bertan behera utzi ostean, Gorenak egindako lehenengo ebazpena da. Ordutik, kontserbadoreek agindutako AEBko estatutan aborturako eskubidearen murrizketak abiatu dituzte.

Gorenaren erabakiak ez du esan nahi abortua debekatu den estatutan mifepristona errezetatu daitekeenik, baina bai emakumeek izango dutela sendagairako sarrera, baita posta bidez ere, orain arte bezala, apelazioa ebatzi arte behintzat.

Erreakzioak

Gorenaren erabakia ospatu du Joe Biden AEBko presidenteak. "Mifepristonak eskura egoten jarraitzen du, eta erabilera segurua eta eraginkorra izateko onartuta dago, auzitegien borrokari eusten diogun bitartean". "Arrazoi politiko dituzten emakumeen osasunaren aurkako erasoen kontra borrokatzen jarraituko dugu", ohartarazi du.

Ugaltze osasun klinika sarerik handiena kudeatzen duen Planned Parenthood elkarteak erabakia txalotu du ere, baina deitoratu duenez, emakumeen osasuna ez luke sistema judizialaren menpe egon behar.

Texaseko epaile batek abortatzeko pilula debekatu du AEB osoan
Abortatzeko pilulak debekatzen dituen AEBko lehen estatua bihurtu da Wyoming
Munduko albisteak Abortoa Ameriketako Estatu Batuak Epaiketak Eguneko Titularrak Matxismoa Feminismoa Sendagaiak

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X