Erdoganek agintean jarraituko du Turkian, bigarren bueltan garaipena lortu ondoren
Recep Tayyip Erdogan islamistak, Turkiako egungo buruzagiak, garaipena lortu du presidenterako hauteskundeetako bigarren bueltan, Turkiako Hauteskunde Batzordeak iragarri duenez. Ondorioz, Erdoganek beste bost urtez jarraituko du agintean Turkian.
Botoen % 99,5 zenbatuta, Erdoganek botoen % 52,1 jaso ditu, eta Kemal Kiliçdaroglu sozialdemokratak, % 47,9, Ahmet Yener Turkiako Hauteskunde Batzordeko presidenteak kazetarien aurrean jakitera eman duenez.
"Datozen bost urteetarako, guri eman digute herrialdea zuzentzeko ardura", esan du bart Erdoganek, Istanbulen, emaitzak ezagutu ondoren bere jarraitzaileen aurrean egindako lehen agerraldi publikoan.
Emaitzak behin-behinekoak izan arren, zenbatu gabe dauden botoek ezin dute garailea aldatu. Hala, behin betiko emaitzak balizko helegiteak argitu ostean iragarriko dituzte.
Aurretik zabaldutako inkestek, ordea, abantaila handiagoa ematen zioten Erdogani, baina bi hautagaien arteko lehia estuagoa izan da azkenean. Atzerriko botoei dagokienez, aurreikuspenak bete dira, eta, horrenbestez, Turkiako egungo estatuburuaren garaipena bermatuta dago.
Maiatzaren 14an izandako hauteskundeetako lehenengo itzulian, hautagai bakar batek ere ez zuen estatuburu izateko gehiengo nahikorik lortu. Erdogan gehiengo absolututik oso gertu geratu zen, bozen % 49,5 eskuratuta, eta Kiliçdarogluk botoen % 44,9 jaso zituen. Parte-hartzea % 89koa izan zen, % 86koa atzerriko botoak zenbatuta.
Turkiarekin akordioak bilatzen jarraitzeko asmoa du EBk
Testuinguru horretan, Europar Batasunaren eta Turkiaren arteko "harremana eraikitzen eta sendotzen" jarraitzeko itxaropena agertu dute igandean Europako Kontseiluko eta Europako Batzordeko presidenteek, Chales Michelek eta Ursula von der Leyenek, hurrenez hurren. Ildo horretatik, Erdogan zoriondu dute hauteskundeetako bigarren bueltan lortutako garaipenagatik.
"Zorionak Recep Tayyip Erdogani, Turkiako presidente hautatu berriari. Datozen urteotan EBren eta Turkiaren arteko harremanak sakontzeko zurekin lan egitea espero dut", esan du Michelek Twitter bidez zabaldutako mezu batean.
Von der Leyenek ere zoriondu du Erdogan hauteskundeak irabazteagatik, eta bi aldeen arteko "harremana eraikitzen jarraitzeko" itxaropena agertu du. "Garrantzi estrategikoa du, bai EBrentzat, bai Turkiarentzat, harreman horretan aurrera egiteko lan egiteak, gure herritarren mesedetan", nabarmendu du Europako Batzordeko presidenteak.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".