Demokratek eta errepublikanoek zorpetze-muga gainditzeko aurreakordioa lortu dute
Joe Biden Ameriketako Estatu Batuetako (AEB) presidenteak eta Kevin McCarthy alderdi errepublikanoko kideak igande honetan baieztatu dutenez, AEBko zorpetze-muga gainditzeko aurreakordioa lortu dute, herrialde horrek ordainketa-etendurarik izan ez dezan.
Ordezkarien Ganberako presidenteak kazetarien aurrean egindako agerraldian azaldu duenez, aurreakordioak "gastu publikoaren murrizketa historikoa" aurreikusten du, baita "herritarrak pobreziatik atera eta lan-mundura eramatea" ere. Ildo horretatik, AEBko herritarrentzat "duina" den aurreakordio bat adostea lortu dutela azpimarratu du.
Biden presidenteak azaldu duenez, aurreakordio honek demokraten kontzesioak jasotzen ditu, baina AEBko Gobernuaren "lehentasunei" men egiten die. "Langileak babesteaz gain, gastua murriztu eta ekonomia haztea ahalbidetzen duen aurrerapauso garrantzitsua da guztiontzat", gaineratu du McCarthyk.
Orain, bi aldeetako negoziazio-taldeek testu legegilea amaitu behar dute, eta Ordezkarien Ganberan (errepublikanoen esku) zein Senatuan (demokraten esku) bozkatuko dute asteazkenean, maiatzak 31.
Zorpetze-muga, AEBko Gobernuak bere legezko betebeharrak betetzeko eta Gizarte Aseguruaren etekinak, soldata militarrak, zor nazionalaren gaineko interesak, zergen itzulketak eta beste ordainketa batzuk ordaindu ahal izateko maileguan eskatzeko baimenduta duen gehienezko diru-kopurua da. Akordiorik lortu ezean, AEBko Gobernuak ez du dirurik izango fakturak ordaintzeko.
AEB, ordea, noizean behin zorpetze mugara heltzen da, eta krisia saihesteko aukera bakarra zorpetze-muga handitzea da; izan ere, beste herrialde batzuek ez bezala, Gobernuak, zorra Kongresuak ezarritako mugaraino baino ezin du jaulki, eta Kongresuak muga hori handitzeko ahalmena du, egoki deritzonaren arabera.
Herrialdeak 31,4 bilioi dolarreko legezko zorrera iritsi zen urtarrilaren 19an, eta, ondorioz, ezohiko neurriak hartu behar izan zituzten ordainketa-etendurarik ez izateko. Aurreakordio honekin, amaiera emango zaio demokraten eta errepublikanoen arteko desadostasunei, hilabeteak baitzeramatzaten berebiziko garrantzia duen gai horretan inolako akordiorik lortu gabe.
Albiste gehiago mundua
Netanyahuk esan du ez dutela Gaza anexionatuko, baina lurralde palestinarraren erabateko kontrola bereganatuko dutela
Israelgo lehen ministroaren esanetan, "segurtasunagatik" egiten dute, eta "geroago" gobernua "indar arabiarren" esku utziko luketela.
Frantziako hegoaldean piztutako suteak jadanik "ez du aurrera egiten", baina oraindik ez dago kontrolpean
Corbieres mendigunean asteartean piztutako sutea 1949. urtetik Frantziako Estatuan izan den handiena da, 16.000 hektarea baino gehiago kiskali baititu. Christian Pouget Aude departamenduko prefetak ohartarazi du oraindik ikusteke dagoela hektarea horietatik zenbat diren nekazal lursailak. "Uste dugu 900 hektarea inguru direla", esan du, lehen estimazio batean.
Arabiar Emirerri Batuek bi buruzagien arteko bilera hartzea proposatu dio Putinek Trumpi
Bestalde, Errusiako presidentea prest agertu da Zelenskirekin batzartzeko. "Askotan esan dut ez dudala ezer kontra", adierazi du Putinek, baina gaineratu du "baldintza batzuk" sortu behar direla bilera hori egiteko, eta, bere ustez, hori betetzetik "urrun" daude.
Netanyahuk Gaza osorik bereganatu eta milioi bat palestinar inguru lekualdatu nahi ditu bost hilabetean
Israelgo lehen ministroak Segurtasun kabinetea bilduko du gaur arratsaldean, Gaza erabat okupatzeko duen asmoaz jarduteko, eta Jerusalem egunkariak dagoeneko xehetu du bileran aztertuko duten proposamenetako bat.
Trumpen muga-zerga berriak indarrean sartuta, hauspotu egin da gerra komertziala
Gaurtik, oro har, % 15eko muga-zergak ezarriko dira Estatu Batuen merkataritza-bazkide gehienen produktuen gainean, tartean, Europar Batasunekoen gainean.
Putin eta Trump datozen egunetan bilduko dira, Kremlinen arabera
AEBko presidenteak, bestalde, esan du azken bileran ez zela "aurrerapauso erabakigarririk" eman, eta adierazi du Errusiak ez duela amore eman.
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku zigortzeko asmoa du, Putinen eta Witkoffen arteko bilera "emankorra" izan dela onartu arren
Zigorra ostiralean bertan ezartzekotan dago Trump. Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko inoren asmoa kentzeko. Ildo horretan, Trumpek agindu bat sinatu du Indiako produktuen gainean % 25eko muga-zergak ezartzeko, Errusiako petrolioa erosten du eta. AEBko agintariak Putinekin datorren astean biltzeko asmoa du.
Sute ikaragarri batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.