AEBko Kongresuak zorraren muga nazionalari buruzko akordioa onartu du
Ameriketako Estatu Batuetako (AEB) Ordezkarien Ganberak 2025era arteko zorpetze mugari buruzko akordioa onartu du asteazken honetan, baita AEBn finantza-krisi handia saihesteko aurrekontu-murrizketa bat ere.
Datorren astelehenean AEBn zorrak ordaintzeko dirurik gabe geratuko direla adierazi du AEBko Altxorrak. Neurri horrekin, Gobernuaren txekeak gizarte-aseguruaren onuradunei, beteranoei eta beste batzuei ordaintzea bermatuko litzateke, eta herrialdean eta atzerrian finantza-asaldura saihestuko litzateke.
Joe Biden AEBko presidentearen eta Kevin McCarthy Alderdi Errepublikanoaren arteko akordioaren ondorioz, legeari babes zabala eman zaio (aldeko 314 boto eta kontrako 117), nahiz eta Alderdi Errepublikanoaren eta Alderdi Demokratako zenbait biltzarkideren aurkako bozak izan diren.
Ohar baten bidez, Bidenek pozik hartu du "aurrerapauso kritikoa" eman izana, "alderdi biko konpromisoa" den akordio bat onartu baita. "Aldeetako inork ez du nahi zuen guztia lortu", adierazi du, "eta hori da gobernatzeak dakarren erantzukizuna".
Orain, araua Senatura pasatuko da, eta bide azkarretik onartu beharko dute. Janet Yellen Altxorreko idazkariak ohartarazi duenez, AEBko Gobernu Federala datorren astean geratuko da dirurik gabe bere ordainketa-betebeharrei aurre egiteko, lehenago zorraren muga igotzen edo eteten ez bada.
Bestalde, McCarthyk prentsaurrekoan hitz egin du, eta Bidenen taldearekin akordioa lortzeko atzerapena kritikatu du. "Washingtonen gastuarekiko adikzioarekin jarraitzea arduragabea da, eta, aldi berean, akatsa; beraz, geldi dezagun. Zintzoa izango naiz, gaurko lege-proiektua ez da nahikoa", onartu du, eta inflexio-puntu bat dela adierazi: "Ontzia biratzen hasi gara".
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.