Israelek erasoaldirik handiena egin du Zisjordanian Bigarren Intifadaz geroztik
Israelgo Armadak eskala handiko operazio militar bat egin du gaur goizaldean Jeninen, Zisjordaniako iparraldeko lurralde okupatuetan, Israelek palestinarren erresistentzia armatuaren gune nagusitzat jotzen duen errefuxiatu eremu garrantzitsu batean.
Bigarren Intifadatik (2000-2005) Zisjordanian inoiz egin den erasoaldirik handiena da, eta zazpi hildako utzi ditu oraingoz, baina kopuruak gora egin dezake, borrokek bere horretan jarraitzen baitute une honetan.
Israelgo Defentsa Indarrek Twitterren iragarri dutenez, Israelgo soldaduak "azpiegitura terrorista bati erasotzen" ari dira Jeninen, "hiri osoan eta Jeningo errefuxiatu-esparruan terrorismoari aurre egiteko".
Bestalde, Palestinako Aginte Nazionaleko Presidentetzako bozeramaile batek Jeninen aurkako operazio militarra gaitzetsi du, "gerra krimena" eta "eraso bortitza" dela iritzita. Horren ondorioz, Israelen aurkako neurriak hartzeko eskatu dio nazioarteari.
Wafa Palestinako albiste agentzia ofizialaren arabera, operazio honekin tentsioa igo ostean, palestinarren eta Israelgo indarren arteko talkak izan dira okupatutako Zisjordaniako beste leku batzuetan, hala nola Al Bireh herriko sarbideetan, non 21 urteko gazte palestinar bat hil den Israelgo indarren tiroen ondorioz.
Zisjordaniak bere indarkeria-gailurrik handiena bizi du Bigarren Intifadatik, eta 2023an 150 palestinar hil dira palestinarren eta israeldarren arteko gatazkan, gehienak milizianoak tropa israeldarrekin izandako liskar armatuetan, baina baita dozenaka zibil ere, 23 adingabe barne.
Aldi berean, iturrien arabera, Palestinako talde armatu berriak ugaritu egin dira, gero eta eraso gehiago egiten dituzte eta 25 hildako utzi dituzte israeldarren aldean, gehienak kolonoak eta horietako bost adingabeak.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.