Sudango neska adingabeak, soldaduen sexu-erasoen biktima
Save the Children gobernuz kanpoko erakundeak ohartarazi du Sudango 12 eta 17 urte arteko neska adingabeak soldaduen sexu-erasoen biktima izaten ari direla, baina ez du zehaztu erasotzaileak Armadakoak ala Babes Azkarreko Indar paramilitarreko kideak ote diren.
"Sexu indarkeria gora egiten ari dela dakigun arren, soilik 88 kasu egiaztatu dira gatazkarekin lotuta", erdiak Khartum hiriburuan, eta erdiak Darfurren, GKEak ohar batean jakinarazi duenez.
Hala eta guztiz ere, Emakumearen aurkako Indarkeriari aurre egiteko Sudango Batasuna erakunde ofizialak azaldu duenez, "kopuru hori kasu guztien % 2 inguru besterik ez da, eta hamaika astetan litekeena da 4.400 sexu indarkeria kasu egon izana".
"Biktimetako batzuk haurdun iristen ari dira ondoko herrialdeetara, bortxaketen ondorioz", ACNURek zabaldu duenez. Neskatoak bahitzen eta sexu-erasoak egiteko atxikitzen dituztela, eta neskato eta emakumeei taldekako bortxaketak egiten dizkietela salatu du.
Arif Noor Save the Childrenen Sudango zuzendariak azaldu du "Sudango haurrak eta emakumeak izutzeko tresna gisa" erabiltzen dela sexu indarkeria herrialdean, eta "zenbateko ofizialak izotz mendiaren punta besterik ez" direla.
Horren aurrean, Save the Childrenek gatazka eteteko deia egin die bi aldeei, irtenbide baketsu bat bilatze aldera.
Duela ia hiru hilabete hasi zen gatazka armatuaren eraginez 1.173 zibil hil eta 11.000 gora zauritu direla jakinarazi zuen Munduko Osasun Erakundeak ekaina erdialdean, Sudango Osasun Ministerioaren datuetan oinarrituta.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".