AEBk barreiatze-bonbak bidaliko ditu Ukrainara, kontraerasorako
AEBk baieztatu du barreiatze-bonbak bidaliko dituela Ukrainara, nahiz eta Alemaniak eta Human Rights Watch (HWR) bezalako erakundeek horren aurka agertu.
Joe Bidenen arabera, erabakia "zaila" baina beharrezkoa izan da, "ukrainarrak muniziorik gabe geratzen ari baitira".
Iragarpenak harridura eta eztabaida sortu du. Lehergailu hori debekatuta dago ehun herrialde baino gehiagotan, eta Nazio Batuen abisuak urratzen ditu. Hala ere, Ukrainako gerran erabili dute jada bai tropa errusiarrek bai ukrainarrek, eta zibilak hil eta zauri larriak eragin dizkie bizirik atera direnei.
Mota horretako bonbak askatzen dituzten azpijaurtigaien kopuru handi batek ez du eztanda egiten, eta, beraz, lurrean lurperatuta gera daitezke eta gatazka bat amaitu eta askoz geroago eztanda egin.
Iragarpenean, AEBko agintariek azpimarratu dute % 2,35etik beherako hutsegite-tasa duten lehergailuak soilik bidaliko dituztela Ukrainara. AEBetako arduradunen arabera, Errusiak inbasioa hasi zenetik erabiltzen dituen barreiatze-bonbek % 30 eta % 40 arteko akats tasak dituzte.
Erreakzioak
NATOko idazkari nagusiak, Jens Stoltenbergek, aliatuen esku utzi du Ukrainari munizio hori emateko erabakia, NATOren barruan 2008ko Barreaitze Munizioei buruzko Konbentzioari buruzko jarrera bateraturik ez dagoela gogorarazi ondoren. Hitzarmen horrek debekatu egiten du armamentu mota hori erabiltzea, garatzea, ekoiztea, eskuratzea, biltegiratzea eta transferitzea.
"Aliatu batzuek hitzarmena sinatu dute, eta beste batzuek ez. Banakako erabakia da laguntza militar hori Ukrainari eman ala ez erabakitzea. Gobernuen kontua da, eta ez aliantzarena", adierazi du NATOko buruzagi politikoak.
Margarita Robles Espainiako Defentsa ministroak esan du ez datorrela bat Ameriketako Estatu Batuen erabakiarekin.
Errusiak AEBn duen enbaxadore Anatoli Antonoven ustez, Ukrainara barreiatze-bonbak bidaltzeko erabakia "gizateria mundu gerra berri batera hurbiltzen duen" beste probokazio estatubatuar bat da.
Errusiatik salatu dutenez, gainera, AEBk "ez ditu aintzat hartu bere aliatuen iritzi negatiboak barreiatze-munizioen erabilera indiskriminatuaren arriskuei buruz", eta "ez ikusiarena egin du zibilen bajen aurrean".
Albiste gehiago mundua
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.