Gutxienez 27 migratzaile hil dira Greziako suteetan
Asteburutik Grezian piztuta dauden baso-suteek 28 lagun hil dituzte Evros ibaiaren inguruan, eta 43.000 hektarea baino gehiago erre dituzte. Larrialdi zerbitzuen ustetan, hildakoetatik 27 Turkiatik Greziara igaro berri ziren migratzaileak ziren.
Hasiera batean, 18 pertsonaren gorpuak aurkitu dituzte suteen aurka borrokan ari diren suhiltzaileek Dadiako basoan, Turkiako mugatik gertu. Greziako Immigrazio ministroak, Dimitris Kairides kontserbadoreak, migratzaile horien heriotza baieztatu du eta "immigrazio irregularraren arriskuei" egotzi die gertatutako "tragedia".
Hildako guztiak gizonezkoak ziren, eta bi adin txikiko zeuden tartean, Greziako agintariek jakinarazi dutenez. Bi eta hiru laguneko taldeetan aurkitu dituzte, 500 metroko tartean.
Handik gutxira, beste zortzi laguneko talde bat aurkitu dute, kiskalita. Horiek eta ordu batzuk lehenago jaso duten beste gorpu bat migratzaileenak zirela uste dute, baina Kairides ministroak ez du horiei buruzko ezer adierazi.
Horrez gainera, bere etxe abereak salbatu nahian hil den ganaduzale baten heriotza ere konfirmatu dute. Ondorioz, 28 dira momentuz suteetan hildakoak.
Horri guztiari Alarm Phone gobernuz kanpoko erakundeak X sare sozialean (lehen Twitter) egin duen alerta deia gehitu behar zaio. GKEak laguntza eskatzeko deia jaso du. Horren arabera, 250 migratzaile suak inguratuta daude Evros ibaiko bi uharte txikitan.
Zortzi sute handi daude indarrean une honetan Grezian. Horietako larriena larunbatean hasi zen, Alexandroupoli hiritik gertu, eta bertako ospitalea ebakuatu behar izan dute garrak gertu daudelako. Dadiako basoa hiri horretatik iparraldera dago, eta Turkiatik muga igarotzen dutenen ohiko pasabidea da. Greziako agintariak arduratuta daude baso horretan hildakoen kopurua altuagoa izan daitekeelako.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
Dozenaka pertsona atxilotu dituzte goizeko lehen zatian Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.