Bruselak ikertu egingo ditu Txinak auto elektrikoei ematen dizkien "legez kanpoko laguntzak"
Ursula von der Leyen Europako Batzordearen (EB) presidenteak iragarri duenez, Bruselak ikerketa abiatuko du Txinaren kontra honek auto elektrikoa ekoizteko ematen dituen eta ustez legez kanpokoak diren dirulaguntzen harira.
Auto elektrikoak erosten dituzten kontsumitzaileei 2027ra arte Beijingek aplikatzen dituen zerga-salbuespenak (72.300 milioi dolarreko balioa ei dute) "praktika desleiala" direla uste du, eta Europako merkatuari kalte nabarmena egiten diotela.
Iragarpena Batasunaren egoerari buruzko eztabaidaren hastapeneko hitzaldian egin du Von der Leyenek. "Ekonomia garbi batentzat ezinbesteko industria da auto elektrikoena. Europak potentzial nabarmena du, baina munduko merkatuak Txinako auto elektriko merkeez josita daude, eta artifizialki salneurri txikiei eusten badiete, Estatuak ematen dituen dirulaguntzak oso handiak direlako da", azaldu du.
Von der Leyenen aburuz, egoera horrek "merkatua distortsionatu du". Ohartarazi duenez, "Europak lehiatu nahi du, baina ez azpitik jokatuta".
Ikerketa gorabehera, Batzordeko presidenteak azpimarratu du beharrezkoa dela Txinarekin komunikazio eta elkarrizketa bideak zabalik izatea, biek "lankidetzan aritu ahal eta behar dutelako". Horren ildoan, Valdis Dombrovskis Batzordeko presidenteorde ekonomiko eta Merkataritza arduraduna Txinara joango da datorren astean "ekonomia eta merkataritza alorreko erronkak eta aukerak" aztertzeko, Dombrovskisek berak X sare sozialean iragarri duenez.
Ukraina eta Balkanak EBn sartzeko lanak, 2024tik aurrera
Bestalde, Europar Batasuna handitzeko egitasmoak ahotan, iragarri du Ukraina eta Balkanetako herrialdeak sartzeko erreformak aztertzen hasiko dela 2024ko lehen seihilekoan. "Ukrainaren etorkizuna, Moldaviarena eta Balkanetakoa gure Batasunean dago", aldarrikatu du.
Hain justu, Zelenskiren Gobernuak estatusa jaso zuenetik egindako "pauso handiak" goraipatu ditu, baita hautagai diren beste herrialde batzuen "asmo sendoak" ere.
Ukrainako gerra tarteko, bertako herritarrei EBn ematen zaien babesa luzatzeaz —2024ko martxora arte dago indarrean— mintzatu da Von der Leyen.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
Dozenaka pertsona atxilotu dituzte goizeko lehen zatian Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.