Hollywoodeko gidoilariek aurreakordioa lortu dute eta amaitzear egon liteke greba
Hollywoodeko gidoilarien sindikatuak (WGA, ingelesez) eta Telebista eta Zinema Ekoizleen Aliantzak (AMPTP) aurreakordioa erdietsi dute bart sektorearen lan hitzarmen berriaren inguruan. Honenbestez, 146 egunez egindako greba amaitzear egon liteke.
Sindikatuak ohar bidez jakinarazi duenez, itunak negoziazioan nagusi izan diren gai guztiak hartzen ditu, baina idatziz jasotzeko dute oraindik. Horren hitzetan, akordioa "aparta" da, eta kide guztiei eskerrak eman dizkie mobilizazioarekin lortutako oihartzuna dela eta.
Hollywoodeko industria ia geldituta daukan grebaren azken egunak izan daitezke hauek. Dena dela, aktoreen lanuztea bere horretan dago.
IndieWire egunkari digitalaren arabera, gidoilariak ez dira lanera itzuli behar baldintzak berritu arte, baina piketeak bertan behera geratu dira. Nolanahi ere, gidoilarien sindikatuak deia egin diete kideei aktoreen mobilizazioetara batzeko.
Ia bost hilabete greban
Sindikatuak pazientzia eskatu die gidoilariei. "Orain hitzemandakoa idatziz jasotzen dutela egiaztatu behar dugu. Xehetasunak partekatzeko irrikan gaude, baina oraindik ezin dugu", esan du batzorde negoziatzaileak, The Hollywood Reporter egunkariak jasotakoaren arabera.
Hain justu, batzorde negoziatzaile horrek onartu behar ditu baldintzak, eta ondoren, sindikatuaren batzordeek (AEBko ekialdean bat du eta mendebaldean beste bat). Bigarren bozketa hori asteartean izan liteke, eta baiezkoa nagusituz gero, greba noiz amaitu ebatziko dute.
Maiatzaren 2an hasi zen gidoilarien greba, besteak beste, hobekuntza hauek eskatzeko: lan baldintza hobeak, adimen artifiziala arautzea eta ordain justua jasotzea, lanen bat berriro emanez gero.
Aktoreek uztailaren 14an abiatu zuten euren greba. Kasu horretan, gatazkak ez du aurrera egin azken hilabeteetan.
Zure interesekoa izan daiteke
Trumpek esan du "ez duela uste" AEB Venezuelarekin gerrara joango denik, baina ez du planei buruz hitz egin nahi
"Nola erantzun dezaket horrelako galdera bat? Ba al dago Venezuelan eraso bat egiteko planik? Nork esango luke hori? Halakorik balego, nik esango nizukela uste duzu, zintzoki? Bai, planak ditugu. Oso plan sekretuak ditugu", esan du Air Force One hegazkinean. "Begira, ikusiko dugu zer gertatzen den Venezuelarekin", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta drogen mendekotasunetik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta bi atxilotu horiek badaezpadako kartzelaldian daude.