AEBko ganberek aurrekontuen 45 eguneko luzapena onartu dute, eta Gobernuaren itxiera saihestu
AEBko Kongresuak eta Senatuak aurrekontuak 45 egunez (azaroaren 17ra arte) luzatzeko akordioa erdietsi dute, eta larunbatetik iganderako gauerdirako aurreikusita zegoen aurrekontu-paralisia eta Gobernuaren itxiera saihestu dute hala, baita horrek herrialdeko Gobernuaren funtzionamenduan eta ekonomian izango zituen ondorio larriak ere.
Arauak ez ditu jasotzen demokraten eta errepublikanoen artean desadostasun handienak sortzen dituzten bi gaiak: Ukrainari emandako laguntza eta hegoaldeko mugarako funtsak handitzea. Hain zuzen ere, Kevin McCarthy Ordezkarien Ganberako presidenteak puntu horiek joko-taulatik ateratzearen alde egin du, bere alderdiko erradikalek ziotenaren kontra, eta hori izan da alderdi-biko babesa lortu eta araua aurrera ateratzeko gakoa.
Horrela, gehiengo errepublikanoa duen Ordezkarien Ganberak norabidea aldatu du. Legeak aldeko 334 boto lortu ditu, 209 biltzarkide demokratenak eta 125 errepublikanoenak. 91 errepublikanok kontra bozkatu dute, horietako asko Donald Trump presidente ohiaren kidekoen taldekoak, eta McCarthyren izaera "moderatuegiarekin" konforme ez daudenak.
Orain Joe Biden presidenteak sinatuko duen legeak ez du aurreikusten Ukrainari laguntzen jarraitzea, baina Chuck Summer Goi Ganberako gehiengo demokrataren buruak eta Mitch McConnell buruzagi errepublikanoak "borrokan" jarraitzea adostu dute, behin betiko aurrekontuek Kievera bideratzeko laguntzak jaso ditzaten.
Bidenek pozik hartu du erabakia, eta ziurtatu du "beharrezkoa ez zen krisi bat" eta "milioika estatubatuarri beharrezkoa ez zen mina eragitea" saihestu dela. Etxe Zuriak argitaratutako ohar baten arabera, legeak "zerbitzu aktiboan dauden tropei ordaintzen jarraitzea ahalbidetuko du, aireportuetan atzerapenak saihestuko dira, eta milioika emakumek eta haurrek nutrizio-laguntza jasotzeko aukera izaten jarraituko dute. Hauek berri onak dira estatubatuarrentzat ".
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.