Israelek eta Hamasek zibilak hiltzea gaitzetsi du Abasek, eta laguntza eskatu du Gazarentzat
Mahmud Abas Palestinako presidenteak gaitzetsi egin du "bi aldeek zibilak hiltzea", eta Gazako Zerrendan korridore humanitarioak irekitzeko eskatu du. Gaza blokeatuta eta setiatuta dago, Israelen etengabeko bonbardaketen ondorioz.
Abdala II.a Jordaniako erregearekin bildu da Abas, Amanen, eta bihar Antony Blinken AEBko Estatu idazkariarekin hitz egingo dute biek.
Palestinako presidenteak salatu du "bi aldeek zibilak hiltzea eta gehiegikeriak egitea", eta "zibilak, presoak eta atxilotuak askatzeko" eta Israelek okupatutako Zisjordanian "kolonoen terrorismoa amaitzeko" eskatu du.
Era berean, Israelen "erabateko erasoa berehala amaitzeko" eta "laguntza medikoa, sorospenekoa eta humanitarioa emateko" eskatu du, baita Gazako Zerrendako herritarren ur, elektrizitate eta erregai hornidura ez moztea ere.
"Gazako Zerrendan korridore humanitarioak lehenbailehen irekitzeko" ere eskatu du Abasek.
Indarkeriaren gorakadaren aurrean, "jarduera politikoa bultzatzeko beharra" nabarmendu du Abasek, "okupazioari amaiera emateko eta bakea lortzeko".
Laguntza humanitarioa
Egiptoko Ilargi Gorriko iturriek baieztatu dutenez, konboi bat bidali dute, laguntza humanitarioarekin, Rafako mugara, laguntza behar duten kasu kritikoak jasotzeko. Jordaniak eta Irakek ere laguntza humanitarioa bidaliko dute Egiptotik.
Sameh Shukri Egiptoko Atzerri ministroak adierazi duenez, bere herrialdeak prest du laguntza humanitarioa, elikagaiak eta hornidura medikoak emateko bidea, baina ez du argitu muga pertsonak igarotzeko irekiko duten ala ez. Hamasek salatu du Gazako herritarrak Egiptoko mugatik etengabe "joatea", beste migrazio masibo bat izango litzatekeelako.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".