Gazan bahituta zituen bi emakume israeldar askatu dituela iragarri du Hamasek
Hamas mugimendu islamikoaren adar armatuak (Al-Qasam Brigadak) bahituta zeuden bi emakume israledar askatu dituela iragarri du astelehen honetan, Egiptok eta Qatarrek bitartekari lanak egin ostean.
"Bi gatibu askatu ditugu, Nurit Yitzhak eta Yochved Lifshitz", esan du Hamasen adar militarreko bozeramaile Abu Obeidak ohar batean, eta azaldu du "premiazko arrazoi humanitarioengatik" askatu dituztela.
Obeidak gaineratu duenez, bi emakumeak askatzea erabaki dute, nahiz eta Israelek "joan den ostiraletik bere ordainagiria onartzeari uko egin", eta Zerrendan milizia palestinarren gatibu diren pertsonak "deskuidatzen jarraitzea" leporatu dio, besteak beste, adinekoak, haurrak, israeldarrak eta atzerritarrak.
Ynet hedabide digitalaren arabera, bi emakumeak aske daudela baieztatu du Israelek, eta Egiptora eraman dituztela gehitu, 17 egunez gatibu egon ostean.
Israelgo prentsaren arabera, bertako agintariek esan zuten ez zutela parte hartu askatzeko negoziazioetan; aitzitik, Gurutze Gorriaren Nazioarteko Batzordeak zeregin garrantzitsua izan du prozesu horretan.
Bi israeldar horien askapenarekin, duela bi aste miliziano palestinarrek bahitu zituzten 222 lagunetatik lau atera dira Gazatik, ostiralean Hamasek bi emakume estatubatuar askatu ostean, "arrazoi humanitarioak" eta Joe Biden presidentearen administrazioari begira egindako keinu bat argudiatuz.
Bi estatubatuarrak ama-alabak ziren, eta Israelera bisitan joan ziren, harrapatu zituztenean.
Era berean, The New York Times AEBetako egunkariak Israelgo goi-kargudun militar bat aipatuta gaur jakinarazi duenez, Hamasek atzerriko herritartasuna duten beste 50 bahitu askatzeko asmoa du, Qatarren bitartekaritzari esker.
Egunotan, Abu Obeidak atzerriko gatibuak askatzeari buruzko aipamenak egin ditu, eta indarrean dagoen gatazka "Israelekin bakarrik" dela azpimarratu du.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
Dozenaka pertsona atxilotu dituzte goizeko lehen zatian Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.