NBEko ordezkariei bisa ukatzea erabaki du Israelek, Guterresen atzoko adierazpenengatik
Nazio Batuen Erakundeko (NBE) ordezkariei bisa ukatzea erabaki du Israelek, Antonio Guterres NBEko idazkari nagusiak atzo egindako adierazpenak direla eta. Azken horrek esan zuen, Hamasek urriaren 7an egindako erasoa ez zela "hutsetik sortu", "Palestinako herriaren 56 urtetako okupazioa" gogora ekarrita.
Guilad Erdan NBEko enbaxadore israeldarrak jakinarazi du neurria gaur goizean Israelgo Armadaren irrati-kateari eskaini dion elkarrizketan. Esan duenez, hasi dira jada neurria ezartzen, eta bisa ukatu dioten aurrena Martin Griffiths NBEko Gai Humanitarioetarako idazkariorde orokorra izan da. "Lezio bat emateko ordua iritsi da", zehaztu du.
Guterresek NBEko Segurtasun Batzordearen bileran egin zituen atzo adierazpenok, eta berehala iritsi zitzaizkion kritikak. Besteak beste, Dani Dayan Jerusalemgo Yad Vashem Holokaustoaren museoaren presidenteak gaitzetsi egin zuen Guterresek esandakoa.
"Hamasek urriaren 7an juduen kontra egindako sarraskia ekintza genozida bat izan zen", esan zuen Dayanek. Horren hitzetan, halaber, Hamasen ekintza terroristaren ondoren, "munduko mandatarien, intelektualen eta pertsona eraginkorren zintzotasuna agerian geratuko da eta Guterresek ez du proba gainditu".
Bere aldetik, Guterres "harrituta" agertu da bere hitzak "desitxuratu" egin dituztelako "zenbaitek". Berriro gaitzetsi ditu Hamasek ekintzak, eta askok hala eskatu arren, ez ditu zuzendu atzoko adierazpenak.
Agerraldi labur bat egin du NBEren Segurtasun Batzordearen bilerara sartu aurretik, eta adierazi du "Hamasen aurrekaririk gabeko sarraskiak irmo gaitzesten" dituela, eta ez dituela haren ekintzak "inondik ere justifikatzen".
Bien bitartean, Israelen bonbardaketek ez dute etenik. NBEk beste behin "eten humanitarioa" eskatu arren laguntza sartzen uzteko, gaur goizaldean gutxienez 80 pertsona hil dituzte Gazako Zerrendan.
Israel eta Hamas artean gerra lehertu zenetik, 5.791 palestinar hil dira Israelgo Armadak jaurtitako bonben ondorioz. Hamasek urriaren 7an egindako erasoak, berriz, 1.400 hildako inguru utzi zituen Israelen.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.