Israelek Gazan egindako erasoaldi militarra "erabateko arrakasta" da, Netanyahuren esanetan
Gazako Zerrendaren aurkako erasoaldi militarra "erabateko arrakasta" dela esan du Benjamin Netanyahu Israelgo lehen ministroak. Azaroaren 7an bete zen hilabete Hamasek Israelen aurka egin zuela, eta ordutik Gaza erasopean du Tel Avivek. 10.000 pertsona baino gehiago hil dituzte Palestinako eremu horretan.
"Gerra kabineteak emandako txostenak, gudu zelaian ikusitakoak eta komandante eta soldatuek esaten digutena kontuan hartuta, erabateko arrakasta izaten ari da", nabarmendu du Tzelim base militarrari egindako bisitan.
"Egia da arazoak sortu direla. Piloturik gabeko hegazkinak daude, ezustean lehertzen diren gailuak eta tankeen kontrako erasoak. Batzuetan heriotza oso mingarriak gertatzen dira, baina, orokorrean, arrakasta izugarria da", gaineratu du. 30 eguneko epean, Israelgo 348 soldadu hil dituzte borroketan.
"Ez gara geldituko, azkeneraino jarraituko dugu", adierazi du nazioarteak eskatzen dion su etenari entzungor.
Are gehiago, gerra amaitutakoan, Israelek Gaza okupatzearen aukera aipatu du Netanyahuk, "denbora mugagabean".
Bien bitartean, Joe Biden AEBko presidenteak baieztatu du erasoaldian "geldialdia" egiteko eskatu diola Israeli. Bidenek eta Netanyahuk telefonoz hitz egin omen dute bart, baina AEBko presidenteak ez du argitu lehen ministroaren erantzuna zein izan den. Buruzagi estatubatuarraren hitzetan, "zibilak modu seguruan ateratzeko, laguntza humanitarioa sartzeko eta bahitutakoak aske uzteko geldialdi taktikoak" lirateke. Dena dela, argi utzi du AEBk ez duela su etena babesten, menia batek Hamasi mesede egingo liokeela uste baitu.
Zure interesekoa izan daiteke
Trumpek esan du ez duela uste AEB Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta bi atxilotu horiek badaezpadako kartzelaldian daude.