Gazako Osasun Ministerioak Al Shifa Ospitalean ebakuatuei eta medikuei erasotzea leporatu dio Israeli
Gazako Osasun Ministerioak Al Shifa Ospitaleko medikuei eta ebakuatuei eraso egitea leporatu dio Israelgo Armadari. Bertan, osasun-zentroko zati batean "operazio zehatz bat" egiten ari direla esan dute militarrek.
Mohamed Zaqout Ospitaleetako zuzendari nagusiak adierazi duenez, soldaduek ospitaleko hainbat mediku ere galdekatu dituzte "ordu luzez" inguruko geletan, eta ospitaletik alde egiten ari zirenei tiro egin diete. Al Shifa Zerrendako ospitalerik handiena da, eta bertan daude 2.000 desplazatu eta 650 paziente, tartean 22 gaixo zainketa intentsiboetan eta 36 haurtxo goiztiar.
Hedabide palestinarrek diotenez, gutxienez 200 pertsona atxilotuta egongo lirateke, medikuen eta ebakuatuen artean.
Bestalde, Mohamed Abu Salmiya Al Shifa osasun zentroko zuzendariak jakinarazi duenez, Israelgo Armadak esparruko hainbat eraikinetan jarraitzen du, dialisi departamentuan barne, eta medikuek ezin dute farmaziara sartu pazienteei sendagaiak emateko, "mugitzen den guztiari egiten baitiote tiro".
Abu Salmiyak dio ez dagoela ez urik, ez elektrizitaterik, ez oxigenorik ospitaleko inongo sailetan, eta ezin izan duela bere mediku askorekin hitz egin pazienteen egoerari buruz, "bereziki haur goiztiarren egoerari buruz".
"Heriotza-usaina nonahi da nagusi, larrialdi-zerbitzutik hasi eta ospitaleko azken eraikineraino", baieztatu du ospitaleko zuzendariak, eta paziente askoren zauriak usteltzen ari direla adierazi du, antibiotikorik ez dagoelako eta ospitaleko zerbitzuak etenda daudelako.
Gazako Gobernuaren prentsa-bulegoaren arabera, Israelgo Armada Al Shifan sartu zen tanke, lehergai, drone eta soldadu armatuekin, "barruan tiro eginez", eta hori "gerra krimena" da.
Bestalde, Israelgo Armadako goi ofizial batek esan du ez dela borrokarik izan ospitale barruan, soilik kanpoan, eta "lau terrorista" hil dituztela. Are, adierazi du tropak "astiro eta zehatz" ari direla lanean "zibil errugabeei ahalik eta kalte txikiena egiteko".
"Datozen orduetan" Al Shifa Ospitalea Hamasen aginte-zentro gisa erabiltzen zutela "frogatuko" duten armak eta frogak aurkitu dituztela esan du ofizial militarrak.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.