Ez da ospitalerik martxan Gaza hiri osoan
Gazako ospitaleetako egoera gero eta jasangaitzagoa da igarotzen den segundo bakoitzeko. Izan ere, Gazako Osasun Ministerioak igande honetan baieztatu duenez, ez dago ospitalerik martxan Gaza hiri osoan (zerrendaren iparraldean). Bi klinika txikik baino ez diote eusten zabalik.
Hain zuzen ere, larunbat honetan, MOEk zuzenduta, NBEko talde bat Al Shifa Ospitalera sartu da eta han ikusitakoarekin, MOEk "hilerri" gisa definitu du ospitalea, eta Gaza iparraldeko egoera "desesperatutzat".
Nazio Batuen Erakundeko taldeak ordubete baino ez du eman ospitalean segurtasun arrazoiengatik, eta "bonbardaketen eta tiroen seinale nabarmenak" ikusi dituztela azaldu dute irteeran. Hobi komun bat ikusi dutela salatu dute, non, esan dietenez, 80 pertsona baino gehiago dauden lurperatuta.
Ohar batean adierazi dutenez, "NBEko langileentzat ezinezkoa izan da ospitalean hondakinen kudeaketa eraginkorra egitea", baina "ospitaleko korridoreak eta lursailak hondakin mediko eta solidoz beteta" daudela ikusi dute, eta horrek "infekzio-arriskua areagotzen" duela.
Halaber, MOEk ziurtatu duenez, eurekin hizketan aritu diren "pazienteak eta osasun-langileak izututa daude haien segurtasunagatik eta osasunagatik, eta ebakuazioa eskatu dute".
"Al Shifa Ospitaleak ezin du eri gehiago hartu, eta zaurituak eta gaixoak Indonesiar Ospitalera bidaltzen dituzte orain, baina hura era larri dago, ia lanik egin ezinda", gaineratu du erakundeak.
Gazako Osasun Ministerioak jakinarazi duenez, Gazako hiriko Al Shifa ospitalean zeuden 31 haurtxo goiztiarrak Egiptora eraman dituzte, bertan arreta mediko egokia jasotzeko. Haurrak Palestinako Ilargi Gorri Erdiaren anbulantzietan eraman dituzte hegoalderuntz, gero handik Egiptora eramateko. Rafako pasabidea erabiliko dute horretarako.
Albiste gehiago mundua
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.