Peru, Alberto Fujimori presidente ohia noiz askatuko zain
Peru zain dago atzotik. Herrialdeko Auzitegi Konstituzionalak Alberto Fujimori presidente izandakoa berehala aske uzteko agindua eman zuen atzo, 2017an eman zioten indultua betearazita.
Fujimori gizateriaren kontrako krimenengatik 25 urteko kartzela zigorra ari zen betetzen Barbadilloko espetxean. Aurreikuspenen arabera, asteazkenean aterako da kartzelatik. Bere defentsaren arabera, 85 urteko gizonak oso osasun eskasa du, eta horregatik, kartzelatik kanpo bete beharko luke zigorra.
Eskaera horri men egin zion, esan bezala, Auzitegi Konstituzionalak, iaz Giza Eskubideen Gorte Interamerikarrak kontrakoa ebatzi arren.
Albistea ezagutu zenetik, Barbadilloko kartzelaren kanpoaldean batu dira Fujimoriren jarraitzaileak. Ifrentzuan, Barrios Altos eta La Cantutako sarraskietako biktimen senitartekoek (horiengatik zigortu zuten presidente ohia) protesta egin dute Limako justizia jauregiaren aurrean.
Fujimori auzia 2017an abiatu zen. Pedro Pablo Kuczynski orduko Peruko presidenteak indultua eman zion, arrazoi humanitarioak argudiatuta. Erabakiak hautsak harrotu zituen, eta bere agintaldian (1990-2000) egindako sarraski eta bahiketetan hildakoen familiek helegitea aurkeztu zuten. Justiziak arrazoia eman zien 2018ko udan, eta ordutik, borroka judizial betean izan dira bi aldeak.
Iazko apirilean, Giza Eskubideen Gorte Interamerikarrak barkamen neurria bertan behera utzi zuen, eta arrazoi humanitarioengatik Estatuak indultua eman ezin dituen baldintzak ezarri zituen.
Giza Eskubideen Auzitegiak Fujimori ez askatzea eskatu du
Hain justu, erakunde horrek Auzitegi Konstituzionalaren erabakia ez betetzeko galdegin die Peruko agintariei, ez behintzat epaia ondo aztertu arte. 2022an ezarritako baldintza horiek betetzen ote diren argitu nahi du auzitegiak.
Horren ustez, biktimen "justiziarako eskubidean kalte konponezina egitea" saihestu behar da.
Barrios Altos eta La Cantutako sarraskietako biktimen defentsa "erabat harrituta" dagoela esan du. Carlos Rivera abokatuak nabarmendu duenez, "Nazioarteko auzitegi baten epaia ez betetzeko hautua egin du Peruko Estatuak".
Sarraskiongatik ez ezik, Fujimorik beste auzi batzuk ere baditu zabalik. Bere agintaldiak iraun dituen 10 urteotan, 350.000 emakume eta 25.000 gizon indigena esterilizatzera behartzeagatik auzipetuta dago.
Albiste gehiago mundua
EBk Errusiaren "probokazioei erantzungo” diela agindu du, hegazkin militarrak Estonian eta Polonian sartu ostean
Poloniak eta Errumaniak antzerako gertakariak salatu zituzten duela egun batzuk. Europar Batzordeak Errusiaren aurkako zigor sorta berria aurkeztu duen egunean gertatu dira.
Israelek "aurrekaririk gabeko indarra" erabiliko du Gaza hiriaren aurkako erasoaldian
2023ko urriaren 7az geroztik, 65.100 palestinar baino gehiago hil ditu Israelek Gazako Zerrendan burututako erasoaldietan, agintari gazatarren arabera.
Nor da Jimmy Kimmel eta zein dira bere programa bertan behera utzi ondorengo polemikaren gakoak?
Umorista ezagunaren "Jimmy Kimmel Live!" saioa bertan behera utzi izanak areagotu egin du adierazpen-askatasunari eta zentsurari buruzko eztabaida Ameriketako Estatu Batuetan.
Kritikatzen duten kanalei emisio baimenak kentzeko mehatxua egin du Trumpek
"Nonbait irakurri dut kanalak % 97an daudela nire aurka, % 97an negatiboa. Eta, hala ere, erraz irabazi nuen zazpi estatu giltzarrietan (presidentzialetan). % 97 nire aurka badaude, publizitate txarra ematen didate eta lizentzia bat baino ez dute, baimena kendu beharko lieketela esango nuke", esan du Air Force One hegazkinean.
ABCn Jimmy Kimmelen programa bertan behera uztea eragin zuen bakarrizketa
Komiko estatubatuarrak zuzenean kritikatu zuen Etxe Zuriak Charlie Kirken hilketaren aurrean izandako erreakzioa, eta Trumpen adierazpenak erakutsi zituen. Horrek Etxe Zuriaren haserrea eragin zuen.
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.