NBEk blokeoak alde batera uzteko eskatu du, COP28an akordioa lortze aldera
Simon Stiell Klima Aldaketarako Nazio Batuen Erakundeko (NBE) idazkari exekutiboak "blokeo taktikak" albo batera uzteko eskatu die aldeei COP28 klimaren inguruko goi bileran akordio "esanguratsua" lortze aldera. Hainbat korapilo dituzte askatzeko, besteak beste, isuriak murriztea eta helburu hori lortzeko finantzazio nahikoa bideratzea.
Kazetarien aurrean egindako hitzaldian, baikorrago mintzatu da Stiell hainbat gairen inguruko ezberdintasunak "askoz txikiagoak" direla aitortuta; ez du, ordea, xehetasunik eman.
"Bi gai ditugu eztabaidagai: batetik, isuriak gutxitzeko gure anbizioa norainokoa oten den; bestetik, trantsizioa egiteko babes nahikoa emateko prest ote gauden", azaldu du.
Horren ildoan azpimarratu duenez, bi gaiotan "anbizio handiena" bilatu behar dela, batean murriztuta "biak lortzeko aukerak murrizten direlako".
"Dena dago mahai gainean", ohartarazi du, eta erantsi herrialdeek 24 ordu dituztela krisialdi klimatikoaren kontrako borrokan "beste atal bati" ekiteko.
Azken 48 orduak
Goi bilerak azken bi egunak ditu, eta jada ez dago hitzaldirik, mahai ingururik edota hitz asperturik. Negoziazioak dira lege, antolatzaileek behin betiko akordioa lortzeko eztabaidetarako gorde baitituzte azken orduok.
Hizpideen artean gai arantzatsuena: erregai fosilak apurka-apurka desagerraraztearen erronka. Horretan daude alde handienak 198 herrialdeen artean.
Europar Batasuna (EB), AEB, garapen bidean dauden herrialde asko eta uharteak diren estatuek adierazpena nahi dute auzi horren inguruan. Txinak, Errusiak, Indiak edo Saudi Arabiak, aldiz, jarrera epelagoa dute.
Era berean, ekologistek eta sektore pribatuko lobiek (ugariak dira Dubain) presioa gogortuko dute, bakoitzak bere alorrean, akordioan eragin nahian.
Zure interesekoa izan daiteke
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.
NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.