Palestinako Ilargi Gorriak salatu du beharrezko laguntzaren % 10 baino ez dela sartu Gazan
Palestinako Ilargi Gorriak salatu duenez, biztanleen beharrak asetzeko behar den laguntzaren % 10 baino ez da sartu Gazako Zerrendan urriaren 7an bonbardaketak hasi zirenetik.
"Zenbat kamioi sartu dira Gazako zerrendan eskalada hasi zenetik? Nola banatu da laguntza? Jasotako laguntzak ez du beharren ehuneko 10 ere betetzen. Palestinako Ilargi Gorriak Gazan laguntza etengabe eta baldintzarik gabe sartzea eskatzen du ", argitaratu du erakunde humanitarioak X kontuan, lehen Twitterren.
Eman dituzten datuen arabera, urriaren 21etik irailaren 16ra 4.637 kamioi sartu dira Rafako pasabidetik, eta horietatik % 60 Palestinako Ilargi Gorriari dagozkio. Kargamentu horietatik, % 49 elikagaiak dira, % 20,3 laguntza-gaiak, % 11,7 mediku-hornidura eta % 19 ura.
UNRWA Ekialde Hurbileko Palestinar Iheslarientzako Nazio Batuen Agentziak ere salatu du Gaza "hilerri" bihurtzen ari dela "gerraren, setioaren eta gabezien artean harrapatuta dauden herritarrentzat". "Ezin da laguntzarik eman bonbardaketek etenik ez duten zeru baten azpian", ohartarazi du Juliette Touma UNRWAko bozeramaileak.
Philippe Lazzarini UNRWAko ordezkariak gaineratu duenez, "inoiz ez dut horrelako ezer ikusi". "azken 40 egunetan hildako pertsonen kopuruak ez du aurrekaririk. Ukrainako gerran baino emakume eta haur gehiago", deitoratu du.
Lazzarinik gogorarazi du, gainera, azpiegituraren % 60 baino gehiago suntsituta daudela eta biztanleriaren % 90 baino gehiago desplazatuta dagoela. "Hildako NBEko langileen kopuruak ez du aurrekaririk", azpimarratu du, era berean.
Igande honetan, hala ere, Israelek Kerem Shalomeko mugako bidegurutzea ireki du, lehen aldiz, urriaren 7tik, laguntza humanitarioa sartzeko. Ostiralean AEBrekin hartutako konpromisoaren ondorio da irekiera.
Zure interesekoa izan daiteke
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta bi atxilotu horiek badaezpadako kartzelaldian daude.