Guterres: Israelek estatu palestinarra onartzeari uko egitea "onartezina" da
Antonio Guterres Nazio Batuen Erakundeko idazkari nagusiaren iritzian, "onartezina" da Israelgo Gobernuak Palestinako estatuaren sorrera onartzeari uko egin izana, Benjamin Netanyahu Israelgo lehen ministroak ideia horren aurka agertu ostean.
"Israeldar eta palestinarrentzat bi estaturen irtenbidea onartzeari uko egitea eta Palestinako herriari estatu bat izateko eskubidea ukatzea onartezina da", adierazi du Guterresek. Kampalan (Uganda) egunotan egin duten Herrialde Ez Lerrokatuen Mugimenduaren (MNOAL) Estatuburu eta Gobernuburuen XIX. Goi Bileraren amaiera ekitaldian esan ditu hitzok.
Irtenbide hori ukatzeak, Guterresen iritziz, "mugarik gabe luzatuko luke bake eta segurtasun globalerako mehatxu garrantzitsu bihurtu den gatazka, polarizazioa areagotuko luke eta muturrekoak edonon ahulduko lituzke".
Hamas talde islamiarrari "bahitu guztiak berehala eta baldintzarik gabe askatzeko" eskatu dio NBEko idazkari nagusiak.
Halaber, "ahalegin guztiak egin behar ditugu gatazka hau eskualde osora zabal ez dadin: Zisjordanian, Israelen eta Libanoren arteko Lerro Urdinaren bidez, eta Sirian, Iraken eta Itsaso Gorrian", ohartarazi du, zibilen heriotzak deitoratu ostean.
MNOALeko buruzagien aurrean egindako hitzaldian, demokraziak munduan izan duen "higaduraz" kezkatuta agertu da Guterres, horrek atea zabalik uzten diolako "populismoari eta estremismoari". Horrez gain, pobreziak eta desberdintasun sozialek gora egin dutela eta giza eskubideak "zigorgabetasunez" urratzen direla salatu du.
Israelgo lehen ministroak Gazako gerraren ostean estatu palestinarra sortzearen aurka dagoela esan eta bi egunera egin ditu adierazpen horiek Guterresek.
Netanyahuk uko egin dio Gazako su-etenari ere, neurri hori bere "helburuak lortu aurretik" onartzeak Israelen segurtasuna "belaunaldiz belaunaldi" arriskuan jarriko lukeela argudiatuta.
Gazako gerrak MNOALen estatuburu eta gobernuburuen bilera markatu du ostiraletik. Goi-bilera horretan, ugariak izan dira batasunerako deiak Isralen erasoaren amaiera eskatzeko.
Afrikako 53 herrialdek, Asiako 39 herrialdek, Latinoamerikako eta Karibeko 26k eta Europako bik osatzen dute MNOAL taldea.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.