24 soldadu israeldar hil dira Gazan, urriaren 27tik egun batean armadan izandako hildako kopururik handiena
Israelek gaur jakinarazi duenez, gutxienez 24 soldadu hil ziren atzo Gazako Zerrendan, urriaren 27an lurreko erasoa hasi zenetik egun bakar batean armadan izandako heriotza kopururik handiena. 21 pertsona Gaza erdialdean gertatutako leherketa batean hil ziren, eta beste hiru, hegoaldeko eraso batean.
Daniel Hagari Israelgo armadako ordezkariak azaldu duenez, atzo arratsaldeko laurak aldera erasotzaileek tanke baten kontra egin zuten, tankeen kontrako kohete bat botata. Halaber, aldi berean, leherketa bat gertatu zen bi solairuko bi eraikinetan. Azken horri lotuta, ikertzen ari dira leherketa horiek aurrez tropek jarritako minengatik izan ote ziren.
Erasoa Gazako Zerrendaren erdialdean gertatu zen, Kissufim mugako komunitatetik gertu. Armadaren arabera, Hamaseko egiturak suntsitzen ari ziren, segurtasun perimetro bat sortzeko eta mugako israeldarrak etxera itzuli ahal izateko.
Bestalde, beste hiru soldadu hegoaldean gertatutako eraso batean hil ziren.
Netanyahuk hitzeman du "benetako garaipena lortu arte" borrokatuko duela
Israelgo lehen ministro Benjamin Netanyahuk hitzeman du ez duela borroka utziko harik eta "garaipen osoa" lortu arte, 24 soldadu israeldarren heriotza gogoan.
"Gure heroien izenean, gure bizitzengatik, ez dugu borroka geldituko, garaipena lortu arte", adierazi du X sare sozialean duen kontuaren bidez zabaldutako mezu batean. Halaber, aitortu du gerra hasi zenetik bizitako "egunik gogorrenetakoa" izan zela atzokoa.
Hala, "soldadu heroikoen" heriotza deitoratu, eta haien senitartekoei doluminak eman dizkie. "Badakit familia hauei bizitza erabat aldatuko zaiela", esan du.
Albiste gehiago mundua
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.