Errusiako hegazkin militar bat erori da Ukrainako mugatik gertu, 65 preso ukrainar zeramatzala
Errusiako Il-76 motako hegazkin militar bat amildu da gaur Belgorod eskualdean, Ukrainako mugatik 50 bat kilometrora, Errusiako Defentsa Ministerioak Telegram sare sozialean jakinarazi duenez. Errusiako Atzerri Ministerioak salatu duenez, Kievek bota du abioia, "ekintza terrorista basati" batean. Defentsa Ministerioak gerora zehaztu duenez, euren radarrek bi misil ukrainar atzeman dituzte.
Hegazkinean 65 preso ukrainar, tripulazioko sei kide eta hiru militar errusiar zihoazen. Oharrean zehaztu dutenez, preso ukrainarrak soldadu errusiarrengatik trukatu behar zituzten. 74 bidaiariak hilda daudela jakinarazi du Viacheslav Gladkov Belgorodeko gobernadoreak.
Baza agentziak (Errusiako segurtasun zerbitzuei lotutakoa) bideo bat argitaratu du istripuaren unearekin. Abioia lurrera jausten ikus daiteke, eta, ondoren, suzko bola handi bat. Gertakaria Errusian 11:00ak zirenean jazo da (Euskal Herrian, 09:00ak), eta ez omen du bestelako kalte material edo pertsonalik eragin.
Il-76 motako hegazkinak soldaduak, ekipamendu militarrak eta armak garraiatzeko erabili ohi dira.
Dimitri Peskov Kremilen bozeramaileak azaldu du agintariak gertatutakoa ikertzen ari direla jada.
Viacheslav Gladkov Belgorodeko gobernadorearen hitzetan, larrialdi zerbitzuak istripuaren lekuan daude jada. Aurrez, Ukrainak aire erasoa egin zezakeela ohartarazi du Gladkovek, eta drone bat bota dutela baieztatu.
Atzerri Ministerioak gertatutako Ukrainari leporatu baino lehen, tesi hori baieztatu du Andrei Kartapolov Dumako kide eta erretiratutako jeneralak. Ukrainak jaurtitako hiru misilek eraitsi dute hegazkina, horren esanetan.
"Euren soldaduak hil dituzte (...) Misio humanitarioan zihoazen gure pilotuak ere erail dituzte, babesgabe zeudenean", gaineratu du.
Erasoa egiteko erabilitako misilak norenak, estatubatuarrak ala alemaniarrak, ziren zehazteko ikerketa abian dela azpimarratu du. Iragarri duenez, AEBri zein Alemaniari zuzendutako mezu bat kaleratuko du laster Errusiako ganberak: "Ulertu behar dute nori ematen dioten laguntza eta dirua. Erregimen nazia da",.
Misilak garraiatzen zituen, Ukrainaren arabera
Ukrinform Ukrainako agentzia publikoak iturri militarrak aipatuta zabaldu duenez, istripua izan duen hegazkinak misilak zeramatzan.
Ukrainska Pravda agentziaren arabera, Ukrainako segurtasun indarrek bota dute hegazkina.
Kievek ez du, dena den, hegazkin istripuaren inguruko informazio ofizialik eman.
Zure interesekoa izan daiteke
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.